കോവിഡ് 19 പ്രതിരോധത്തിനുള്ള വാക്സിൻ പരീക്ഷണം മനുഷ്യരിൽ ആരംഭിച്ചു. യുഎസിലെ സിയാറ്റിലിലെ റിസർച്ച് ഇൻസ്റ്റിറ്റ്യൂട്ടിൽ സ്വയം സന്നദ്ധരായ 45 പേരിലാണ് ആറാഴ്ച പരീക്ഷണം. ഇവർ 18നും 55നും ഇടയിൽ പ്രായമുള്ളവരാണെന്ന് യുഎസ് നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത്(എൻഐഎച്ച്) അറിയിച്ചു.
റിസർച്ച് ഇൻസ്റ്റിറ്റ്യൂട്ടിൽ ക്ലിനിക്കൽ ട്രയലിൽ ആദ്യ ഡോസ് വോളണ്ടിയർമാർക്കു നൽകും. ഇതു പരീക്ഷണം മാത്രമാണ്. കൂടുതൽ പരീക്ഷണഘട്ടത്തിലൂടെ ഇവ ഫലവത്തും സുരക്ഷിതവുമാണെന്ന് തെളിയണം. ഇതിനുശേഷം വാക്സിൻ വികസിപ്പിക്കാൻ ഒന്നുമുതൽ ഒന്നരവർഷം വരെ എടുക്കുമെന്നും ആരോഗ്യവകുപ്പ് അധികൃതർ പറഞ്ഞു.
അമേരിക്കയിൽ മാത്രമല്ല ലോകത്തിന്റെ വിവിധഭാഗങ്ങളിലുള്ള ലാബുകളിലും വാക്സിൻ വികസനത്തിനുള്ള പരീക്ഷണങ്ങൾ നടക്കുന്നുണ്ട്. ഇതിനിടെ വാക്സിന്റെ കുത്തകാവകാശം നേടാൻ അമേരിക്ക നീക്കം ആരംഭിച്ചതായി ആരോപണം ഉയർന്നുണ്ട്.