കൊവിഡ്-19-ന് മുമ്പുള്ള ഹോം ആൻഡ് എവേ ഫോർമാറ്റിലേക്ക് മടങ്ങാൻ ഇന്ത്യൻ പ്രീമിയർ ലീഗ് 2023. ബിസിസിഐ പ്രസിഡന്റ് സൗരവ് ഗാംഗുലി ബോർഡിന്റെ അഫിലിയേറ്റ് ചെയ്ത സംസ്ഥാന യൂണിറ്റുകളെ അറിയിച്ചു.
2020-ൽ കോവിഡ്-19 പൊട്ടിപ്പുറപ്പെട്ടതിനുശേഷം ഏതാനും വേദികളിൽ മാത്രമേ ഐപിഎൽ നടന്നിട്ടുള്ളൂ,
2021ലും ദില്ലി അഹമ്മദാബാദ്, മുംബൈ, ചെന്നൈ എന്നീ നാല് വേദികളിലായാണ് ടൂർണമെന്റ് നടന്നത്.
പഴയ ഫോർമാറ്റിലേയ്ക്ക് ഐ പി എൽ മടങ്ങുമെന്നും അതിൽ ഓരോ ടീമും ഒരു ഹോം, ഒരു എവേ മത്സരം കളിക്കുമെന്നും ഗാംഗുലി പറഞ്ഞു.
“പുരുഷന്മാരുടെ ഐപിഎല്ലിന്റെ അടുത്ത സീസണും ഹോം ആൻഡ് എവേ ഫോർമാറ്റിലേക്ക് മടങ്ങും, പത്ത് ടീമുകളും അവരുടെ ഹോം മത്സരങ്ങൾ അവരുടെ നിയുക്ത വേദികളിൽ കളിക്കും,” ഗാംഗുലി സംസ്ഥാന യൂണിറ്റുകൾക്ക് നൽകിയ കുറിപ്പിൽ പറയുന്നു.
2020 ന് ശേഷം ആദ്യമായി ബിസിസിഐ ഒരു സമ്പൂർണ്ണ ആഭ്യന്തര സീസൺ നടത്തുന്നു, എല്ലാ മൾട്ടി-ഡേ ടൂർണമെന്റുകളും പരമ്പരാഗത ഹോം, എവേ ഫോർമാറ്റിലേക്ക് മടങ്ങും.
അടുത്ത വർഷമാദ്യം ഏറെ പ്രതീക്ഷയോടെ കാത്തിരിക്കുന്ന വനിതാ ഐപിഎല്ലിന്റെ ഉദ്ഘാടന പതിപ്പിന് ആതിഥേയത്വം വഹിക്കാനുള്ള ശ്രമത്തിലാണ് ബിസിസിഐ.
ദക്ഷിണാഫ്രിക്കയിൽ നടക്കുന്ന വനിതാ ടി20 ലോകകപ്പിന് ശേഷം മാർച്ചിൽ ടൂർണമെന്റ് നടക്കുമെന്ന് കഴിഞ്ഞ മാസം റിപ്പോർട്ട് ചെയ്തിരുന്നു.
“ബിസിസിഐ നിലവിൽ ഏറെ പ്രതീക്ഷയോടെ കാത്തിരിക്കുന്ന വനിതാ ഐപിഎല്ലിൽ പ്രവർത്തിക്കുകയാണ്. അടുത്ത വർഷം ആദ്യം ആദ്യ സീസൺ ആരംഭിക്കുമെന്ന് ഞങ്ങൾ പ്രതീക്ഷിക്കുന്നു,” കത്തിൽ ഗാംഗുലി എഴുതി.
വനിതാ ഐപിഎൽ ഇന്ത്യയിലെ വനിതാ ക്രിക്കറ്റിന്റെ നിലവാരം ഉയർത്തുമെന്ന് പ്രതീക്ഷിക്കുന്നു.
വനിതാ ഐപിഎല്ലിന് പുറമെ പെൺകുട്ടികളുടെ അണ്ടർ 15 ഏകദിന ടൂർണമെന്റും ബിസിസിഐ ആരംഭിക്കുന്നുണ്ട്.
“ഈ സീസൺ മുതൽ പെൺകുട്ടികളുടെ അണ്ടർ 15 ഏകദിന ടൂർണമെന്റ് അവതരിപ്പിക്കുന്നതിൽ ഞങ്ങൾക്ക് സന്തോഷമുണ്ട്. ലോകമെമ്പാടും വനിതാ ക്രിക്കറ്റ് അഭൂതപൂർവമായ വളർച്ച കൈവരിച്ചു, ഞങ്ങളുടെ ദേശീയ ടീം മികച്ച പ്രകടനം കാഴ്ച്ചവയ്ക്കുന്നു. ഈ പുതിയ ടൂർണമെന്റ് നമ്മുടെ പെൺകുട്ടികൾക്ക് ദേശീയ മത്സരങ്ങളിൽ കളിക്കാനുള്ള വഴിയൊരുക്കും. ,” ഗാംഗുലി എഴുതി.
ഡിസംബർ 26 മുതൽ ജനുവരി 12 വരെ ബാംഗ്ലൂർ, റാഞ്ചി, രാജ്‌കോട്ട്, ഇൻഡോർ, റായ്പൂർ, പൂനെ എന്നീ അഞ്ച് വേദികളിലായാണ് 15 വയസ്സിന് താഴെയുള്ളവരുടെ ആദ്യ വനിതാ മത്സരം.
