വേങ്ങൂരിൽ മഞ്ഞപ്പിത്തം ബാധിച്ച് വീണ്ടും മരണം. രോഗം ബാധിച്ച് ഗുരുതരാവസ്ഥയിലായിരുന്ന വേങ്ങൂർ കൈപ്പിള്ളി പുതുശ്ശേരി വീട്ടിൽ അഞ്ജന ചന്ദ്രൻ (28) ആണ് മരിച്ചത്. കഴിഞ്ഞ 75 ദിവസത്തിലധികമായി വെന്റിലേറ്ററിൽ ചികിത്സയിലായിരുന്നു. ഇതോടെ വേങ്ങൂർ പഞ്ചായത്തിൽമാത്രം മഞ്ഞപ്പിത്തം ബാധിച്ച് മരിച്ചവരുടെ എണ്ണം മൂന്നായി. സർക്കാർ സഹായം ലഭിക്കാത്തതിനെ തുടർന്ന് നാട്ടുകാരിൽ നിന്നടക്കം ധനസമാഹരണം നടത്തിയാണ് ചികിത്സക്കായുള്ള പണം കണ്ടെത്തിയിരുന്നത്.
ജല അതോറിറ്റിയുടെ കുടിവെള്ളം ഉപയോഗിച്ചതിനെ തുടർന്ന് വേങ്ങൂർ, മുടക്കുഴ പഞ്ചായത്തിലെ 240-ഓളം പേർക്ക് മഞ്ഞപ്പിത്തബാധ സ്ഥിരീകരിച്ചിരുന്നു. മരിച്ച അഞ്ജനയുടെ ഭർത്താവ്, ഭർതൃസഹോദരൻ എന്നിവരും രോഗബാധിതരായി ബാധിച്ച് ചികിത്സയിലായിരുന്നു.
