ദില്ലി:ജെഎൻയു സർവകാലാശാലയിൽ രണ്ടാം വർഷ എംഎ വിദ്യാർഥി ജീവനൊടുക്കി. ഇംഗ്ലീഷ് അധ്യാപകന് ഇ-മെയിൽ വഴി ആത്മഹത്യാക്കുറിപ്പ് അയച്ച ശേഷമാണ് വിദ്യാർഥി ജീവനൊടുക്കിയത്.
മെയിൽ ലഭിച്ചതിനു പിന്നാലെ അധ്യാപകൻ പോലീസിൽ വിവരമറിയിക്കുകയായിരുന്നു. ഇതിനു ശേഷം നടത്തിയ തെരച്ചിലിലാണ് വിദ്യാർഥിയെ സർവകലാശാലയ്ക്കുള്ളിലെ കെട്ടിടത്തിലുള്ള ഫാനിൽ തൂങ്ങിമരിച്ച നിലയിൽ കണ്ടെത്തിയത്.
സംഭവത്തിൽ ദുരൂഹതകളൊന്നുമില്ലെന്നാണ് പ്രാഥമിക നിഗമനമെന്നും അന്വേഷണം പുരോഗമിക്കുകയാണെന്നും പോലീസ്വൃത്തങ്ങൾ വ്യക്തമാക്കി.