കൊച്ചി : കലാഭവന് മണിയുടെ മരണവുമായി ബന്ധപ്പെട്ട അന്വേഷണത്തില് നുണ പരിശോധനയ്ക്ക് തയ്യാറാണെന്ന് നടന്റെ സുഹൃത്തുക്കള്. എറണാകുളം സിജെഎം കോടതിയില് ഹാജരായാണ് ഇവര് സമ്മതം അറിയിച്ചത്. നടന്മാരായ ജാഫര് ഇടുക്കി, സാബുമോന് എന്നിവര് ഉള്പ്പെടെയുള്ള ഏഴുപേരാണ് നുണപരിശോധനയ്ക്ക് തയ്യാറാണെന്ന് അറിയിച്ചത്.
മണി കുഴഞ്ഞുവീണ ദിവസം ചാലക്കുടിയില് പാടിയില് ഉണ്ടായിരുന്നവരാണ് ഇവര്. ഇവരെ നുണ പരിശോധന വിധേയരാക്കണമെന്ന് സിബിഐ നേരത്തെ ആവശ്യപ്പെട്ടിരുന്നു. നുണപരിശോധനയ്ക്ക് വിധേയരാക്കുന്നവരുടെ സമ്മതം കൂടിയുണ്ടെങ്കിലേ പരിശോധന പാടൂള്ളൂ എന്ന സുപ്രീംകോടതി ഉത്തരവിന്റെ പശ്ചാത്തലത്തിലാണ് ഇവരുടെ സമ്മതം തേടിയത്.
2016 മാര്ച്ച് ആറിനാണ് കലാഭവന് മണിയെ വീടിന് സമീപത്തുള്ള പാടിയില് കുഴഞ്ഞുവീണ് അബോധാവസ്ഥയില് കണ്ടെത്തിയത്. പാടിയില് അവസാന സമയത്ത് മണിക്ക് ഒപ്പമുണ്ടായിരുന്നവരെ നുണപരിശോധനയ്ക്ക് വിധേയമാക്കണമെന്ന് കേസന്വേഷണം ഏറ്റെടുത്ത സിബിഐ കോടതിയില് ആവശ്യപ്പെട്ടിരുന്നു. മണിയുടെ ശരീരത്തില് വിഷാംശം കണ്ടെത്തിയതായാണ് പോസ്റ്റുമോര്ട്ടം റിപ്പോര്ട്ട്.
ക്രൈം ബ്രാഞ്ച് അന്വേഷണത്തില് തൃപ്തരല്ലെന്നും സിബിഐ അന്വേഷണം വേണമെന്നുമുള്ള ബന്ധുക്കളുടെ ആവശ്യം പരിഗണിച്ച് കോടതി കേസ് സിബിഐക്ക് വിടുകയായിരുന്നു.