ചെന്നൈ: ‘വിക്രം‘ സിനിമയുടെ ഗംഭീര വിജയത്തിന് പിന്നാലെ സംവിധായകന് ലോകേഷ് കനകരാജിന് ആഡംബരക്കാര് സമ്മാനിച്ച് കമലഹാസന്. ടൊയോട്ടയുടെ പ്രീമിയം ബ്രാന്റായ ലെക്സാണ് സിനിമയിലെ നായകനും നിര്മാതാവുമായ കമലഹാസന് സമ്മാനിച്ചിരിക്കുന്നത്. ലെക്സസിന്റെ 2.5 കോടി രൂപ വില വരുന്ന കാറാണിതെന്നും റിപ്പോര്ട്ടുകളുണ്ട്. കമലഹാസന് കാറിന്റെ താക്കോല് കൈമാറുന്ന ചിത്രം സോഷ്യല്മീഡിയയില് നിമിഷനേരം കൊണ്ടാണ് വൈറലായത്.
കമലഹാസന് പുറമെ വിജയ് സേതുപതി, ഫഹദ് ഫാസില്, സൂര്യ, നരേയന്, ചെമ്പന് വിനോദ് തുടങ്ങി വന് താരനിരയാണ് വിക്രമില് അണിനിരന്നത്. ചിത്രത്തിന്റെ വിജയത്തില് നന്ദി അറിയിച്ചുകൊണ്ട് കമലഹാസന് സോഷ്യല്മീഡിയയിലൂടെ വീഡിയോ പുറത്ത് വിട്ടിരുന്നു. തമിഴിന് പുറമെ, മലയാളം, കന്നട, തെലുങ്ക്, , ഹിന്ദി തുടങ്ങിയ ഭാഷകളിലും പ്രേക്ഷകരോട് നന്ദി പറഞ്ഞുകൊണ്ടാണ് കമലിന്റെ നന്ദി പറഞ്ഞുള്ള വീഡിയോ പോസ്റ്റ് ചെയ്തിട്ടുണ്ട്
‘ഡയറക്ടര് ലോകേഷിന് എന്നോടും സിനിമയോടുമുള്ള അതിരറ്റ സ്നേഹം വിക്രം സിനിമയുടെ ഷൂട്ടിങ്ങിന്റെ ഓരോ നാളിലും ഓരോ ഫ്രേമിലും ഞാന് അനുഭവിച്ചറിഞ്ഞതാണ്. അതുപോലെ തന്നെയാണ് പ്രേക്ഷകര്ക്ക് എന്നോടുള്ള സ്നേഹം. ഇതെല്ലാമാണ് വിക്രം സിനിമ വലിയ വിജയമാകാനുള്ള കാരണം. നിങ്ങളുടെ സ്നേഹം എന്നും എനിക്ക് ഉണ്ടാവണം’.. എന്നും അദ്ദേഹത്തിന്റെ മലയാളം വീഡിയോയില് പറയുന്നു.