കാസർഗോഡ് : കനത്ത മഴയിലും കാറ്റിലും പുത്തിഗെയിൽ സ്‌കൂളിന് സമീപം മരം കടപുഴകി വീണ് സ്കൂൾ വിദ്യാർഥിനിക്ക് ദാരുണാന്ത്യം. സംഭവത്തിൽ അംഗഡിമൊഗറിലെ ബി.എം.യൂസഫ് – ഫാത്തിമ സൈനബ ദമ്പതികളുടെ മകളും അംഗഡിമൊഗർ ജിഎച്ച്എസ്എസ് സ്‌കൂളിലെ ആറാം ക്ലാസ് വിദ്യാർത്ഥിനിയുമായ ആയിഷത്ത് മിൻഹ (11) യാണ് മരിച്ചത്.
വൈകുന്നേരം ക്ലാസ് കഴിഞ്ഞ സ്കൂൾ ബസിലേക്ക് കയറാൻ പോകവേയായിരുന്നു അപകടം. ഒപ്പമുണ്ടായിരുന്ന മറ്റൊരു കുട്ടിക്കും അപകടത്തിൽ പരിക്കേറ്റു.
