തൃശൂര്‍ : അടിസ്ഥാന പരിശീലനം പൂര്‍ത്തിയാക്കിയ 2279 പോലീസ് കോണ്‍സ്റ്റബിള്‍മാരില്‍ എഞ്ചിനീയറിംഗ് ബിരുദാനന്തര ബിരുദധാരികളും . എം ടെക് ബിരുദമുള്ള 19 പേരും ബി ടെക് ബിരുദമുള്ള 306 പേരുമാണ് ഉള്ളത്. തൃശൂര്‍ കേരള പോലീസ് അക്കാദമി ആസ്ഥാനമായ ഇന്‍റഗ്രേറ്റഡ് പോലീസ് റിക്രൂട്ട് ട്രെയ്നിംഗ് സെന്‍ററിലും വിവിധ സായുധ പോലീസ് ബറ്റാലിയനുകളിലുമായാണ് പരിശീലനം നടന്നത്.
എംബിഎ ബിരുദമുള്ള 26 പേരും വിവിധ വിഷയങ്ങളില്‍ ബിരുദാനന്തര ബിരുദം നേടിയ 173 പേരും ബിരുദാനന്തരബിരുദവും ബിഎഡും നേടിയ ഒന്‍പത് പേരും ഉണ്ട്. അതിനുപുറമെ ബിരുദവും ബിഎഡുമുള്ള 13 പേരും ബിരുദമുള്ള 1084 പേരും ഡിപ്ലോമ ഉള്ള 138 പേരും ഐടിഐ ഉള്ള 19 പേരും ബിസിഎ ബിരുദമുള്ള 10 പേരും ബിബിഎ ബിരുദമുള്ള രണ്ടു പേരുമാണ് ഇത്തവണത്തെ ബാച്ചില്‍നിന്ന് പരിശീലനം പൂര്‍ത്തിയാക്കി പുറത്തിറങ്ങിയത് .
