കൊച്ചി : ശക്തമായ മഴയെ തുടര്ന്ന് ജലനിരപ്പുയര്ന്നതിനാല് മലങ്കര, ഭൂതത്താന്കെട്ട് ഡാമുകളുടെ കൂടുതല് ഷട്ടറുകള് തുറന്നു. തൊടുപുഴ, മൂവാറ്റുപുഴ ആറിന്റെ തീരത്തുള്ളവര് ജാഗ്രത പാലിക്കണമെന്ന് അധികൃതര് അറിയിച്ചു. ഭൂതത്താന് കെട്ട് ഡാമിന്റെ 13 ഷട്ടറുകള് ഉയര്ത്തി.ആകെ 15 ഷട്ടറുകളാണുള്ളത്.
ഇപ്പോഴത്തെ ജല നിരപ്പ് 30. 60 മീറ്റര് ആണ്. രാവിലെ 11 ഷട്ടറുകളാണ് തുറന്നിരുന്നത്. എന്നാല് ജല നിരപ്പ് ഉയര്ന്നതോടെ വീണ്ടും രണ്ട് ഷട്ടറുകള് കൂടി ഉയര്ത്തുകയായിരുന്നു. 34.95 ആണ് ഡാമിന്റെ സംഭരണ ശേഷി.മലങ്കര ഡാമിന്റെ ജലനിരപ്പ് തേഡ് വാണിങ് ലെവല് കഴിഞ്ഞിരിക്കുകയാണ്. 35.68 എം.എം ആണ് സംഭരണ ശേഷി. നിലവില് 41.52 എം.എല് ജലനിരപ്പ് എത്തി. ഈ സാഹചര്യത്തില് ഡാമിന്റെ മൂന്നു ഷട്ടറുകള് 30 സെന്റീ മീറ്റര് ഉയര്ത്തി. ജനങ്ങള് ജാഗ്രത പാലിക്കണമെന്ന് അധികൃതര് അറിയിച്ചു.
പെരിയാറിലെ ജല നിരപ്പ് ഉയര്ന്നതിനെ തുടര്ന്ന് ആലുവ ശിവരാത്രി മണപ്പുറത്തെ ശിവക്ഷേത്രത്തിലും വെള്ളം കയറി. രണ്ടു ദിവസമായി തുടരുന്ന മഴമൂലം വ്യാഴാഴ്ച രാത്രിയോടെ തന്നെ ക്ഷേത്രത്തിന്റെ ചുറ്റമ്പലത്തില് വെള്ളം കയറിയിരുന്നു. പുലര്ച്ചെ അമ്പലത്തിന് അകത്തേയ്ക്കും വെള്ളം കയറി. എങ്കിലും ആറാട്ട് നടന്നില്ല. സമുദ്ര നിരപ്പില് നിന്നും 1.8 മീറ്ററാണ് ഇന്ന് രാവിലത്തെ പെരിയാറിലെ ജലനിരപ്പ്. വെള്ളത്തില് ചെളിയുടെ അംശവുമുണ്ട്.
