അഹമ്മദാബാദ്: ദേശീയ ഗെയിംസിൽ തുഴച്ചിൽ ഇനത്തിൽ ഇരട്ട സ്വർണം നേടി കേരളം. വനിതകളുടെ കനോയിംഗിലും കയാക്കിങ്ങിലും കേരളം സ്വർണം നേടി. വനിതകളുടെ കനോയിംഗ് ടു വിഭാഗത്തിലും കയാക്കിങ് ഫോര്‍ വിഭാഗത്തിലുമാണ് സ്വര്‍ണം.
വനിതകളുടെ 500 മീറ്റർ ഡബിൾസിൽ രണ്ട് വിഭാഗത്തിൽ കേരളത്തിന്‍റെ മേഘ പ്രദീപും അക്ഷയ സുനിലും സ്വർണം നേടി. കേരള ടീം മികച്ച പ്രകടനമാണ് കാഴ്ചവെച്ചത്.കയാക്കിങ് ഫോര്‍ വിഭാഗത്തിൽ ട്രീസ ജേക്കബ്, ശ്രീലക്ഷ്മി, പാർവതി, അലീന ബിജു എന്നിവരടങ്ങിയ കേരള ടീം സ്വർണം നേടി. തുഴച്ചിൽ മത്സരത്തിൽ കേരളം ഇതുവരെ മികച്ച പ്രകടനമാണ് കാഴ്ചവെച്ചത്.
