കൊല്ലം: കൊല്ലത്ത് സ്കൂളിൽ സമരാനുകൂലികളുടെ ഗുണ്ടായിസം. ജോലി ചെയ്യാനായി സര്ക്കാര് സ്കൂളിലെത്തിയ അധ്യാപകരെ ഇടത് സംഘടനകൾ പൂട്ടിയിട്ടു. ചിതറ സര്ക്കാര് സ്കൂളിലാണ് സംഭവം ഉണ്ടായത്. മുന് പഞ്ചായത്ത് പ്രസിഡന്റ് ഷിബു ലാലിന്റെ നേതൃത്വത്തിലുള്ള സംഘമാണ് 15ഓളം അധ്യാപകരെ സ്റ്റാഫ് റൂമില് പൂട്ടിയിട്ടത്.
പണിമുടക്കിൽ ഹൈക്കോടതി ഇടപെടലിനെത്തുടര്ന്ന് സര്ക്കാര് ജീവനക്കാരുടെ സമരത്തിന് ഡയസ്നോണ് ഏര്പ്പെടുത്തിയതോടെയാണ് അധ്യാപകര് ഇന്ന് ജോലിക്കു ഹാജരായത്. രജിസ്റ്ററില് ഒപ്പിട്ടതിന് ശേഷം സ്റ്റാഫ് റൂമില് ഇരിക്കുമ്പോഴാണ് സ്കൂളിലേക്ക് 12ഓളം സമരക്കാരെത്തിയത്.
ഉടൻ തന്നെ ഇവര് അസഭ്യം പറയാൻ ആരംഭിച്ചുവെന്നാണ് അധ്യാപകര് പറയുന്നത്. തുടര്ന്നു മുറിയില്നിന്നു പുറത്തിറങ്ങാന് ശ്രമിക്കവേ അധ്യാപകരെ സമരക്കാര് മുറിയിലിട്ട് പൂട്ടുകയായിരുന്നു.

