കോഴിക്കോട്: മാധ്യമപ്രവര്‍ത്തകയെ ബസില്‍വെച്ച് ഉപദ്രവിച്ച കേസിൽ ഒരാളെ അത്തോളി പോലീസ് കസ്റ്റഡിയിലെടുത്തു. മാമ്പറ്റ സ്വദേശി നൗഷാദിനെയാണ് പോലീസ് പിടികൂടിയത്.
തിങ്കളാഴ്ച ജോലി കഴിഞ്ഞ് കെ.എസ്.ആര്‍.ടി.സി. ബസില്‍ വീട്ടിലേക്ക് പോകുന്നതിനിടെയാണ് മാധ്യമപ്രവര്‍ത്തകയ്ക്ക് നേരേ അതിക്രമമുണ്ടായത്. തുടർന്ന് ഇവർ വിവരം ബസ് ജീവനക്കാരോട് പരാതിപ്പെട്ടു.
പരാതിയെ തുടർന്ന് ബസ് അത്തോളി പോലീസ് സ്റ്റേഷനില്‍ എത്തിച്ചു. പോലീസ് സ്റ്റേഷനിലെത്തി മാധ്യമപ്രവര്‍ത്തക പരാതിയി നല്കുകയും ചെയ്തു. പരാതിയുടെ അടിസ്ഥാനത്തിൽ ബസിലുണ്ടായിരുന്ന പ്രതി നൗഷാദിനെ പോലീസ് കസ്റ്റഡിയിലെടുത്തത്.
