തിരുവനന്തപുരം: കെഎസ്ആര്ടിസിക്ക് മുന്നില് അപകടകരമാം വിധം അഭ്യാസ പ്രകടനം നടത്തിയ ആറ് യുവാക്കളെ കുന്നംകുളം പോലീസ് അറസ്റ്റ് ചെയ്തു. ഇനി പ്രതികളിലൊരാളെയും ഇവരുടെ ഒരു ബൈക്കും പിടികൂടാനുണ്ട്. രണ്ട് ബൈക്ക് പോലീസ് നേരത്തെ കസ്റ്റഡിയിലെടുത്തു. അഭ്യാസ പ്രകടനം നടത്തിയ ഏഴ് പേരില് രണ്ട് പേര് പ്രായപൂര്ത്തിയാകാത്തവരെന്നാണ് പോലീസ് പറയുന്നത്. കുന്നംകുളം അയിനൂര് സ്വദേശികളാണ് പിടിയിലായത്. അയിനൂര് സ്വദേശികളായ സുഷിത്ത്, നിഖില് ദാസ്, അതുല്, അഷിത്ത്, മുഹമ്മദ് യാസിന് എന്നിവരാണ് പിടിയിലായത്.
ഇന്നലെ അര്ധരാത്രിയിലാണ് കെഎസ്ആര്ടിസിക്ക് മുന്നിൽ മൂന്ന് ബൈക്കുകളിലായി യുവാക്കള് അഭ്യാസ പ്രകടനം നടത്തിയത്. തൊട്ടില്പ്പാലത്ത് നിന്ന് തിരുവനന്തപുരത്തേക്ക് പുറപ്പെട്ട ബസ്സിന് മുന്നില് പെരുമ്പിലാവ് മുതല് കുന്നംകുളം വരെ യുവാക്കൾ അപകടകരമാം വിധം അഭ്യാസപ്രകടനം നടത്തി. ബസ്സില് കല്ലുകൊണ്ടും കൈ കൊണ്ടും ഇടിച്ച സംഘം സ്ത്രീ യാത്രക്കാര്ക്ക് നേരെ അസഭ്യവര്ഷവും നടത്തി.
ബസ് നിയന്ത്രണം വിടുന്ന രീതിയിലായിരുന്നു അഭ്യാസമെന്ന് ഡ്രൈവർ പറയുന്നു. കുന്നംകുളം പോലീസില് രാത്രി തന്നെ വിവരം അറിയിച്ചിരുന്നു.