കാസർഗോഡ്: കെഎസ്ആർടിസി ബസ് കണ്ടക്ടറെ സ്വകാര്യ ബസ് ജീവനക്കാരൻ ക്രൂരമായി മർദ്ദിച്ചു. കാസർഗോഡ് അഞ്ചാം മൈലിലാണ് സംഭവം നടന്നത്. ബന്തടുക്ക – കാസർഗോഡ് റൂട്ടിലോടുന്ന ബസിലെ കണ്ടക്‌ടർ ലിബിൻ വർഗീസിനാണ് മർദ്ദനമേറ്റത്.
ഇന്ന് രാവിലെ ബസ് സമയക്രമവുമായി ബന്ധപ്പെട്ട തർക്കമാണ് വാക്കുതർക്കത്തിലും തുടർന്ന് മർദ്ദനത്തിലും കലാശിച്ചത്. സംഭവത്തിൽ കെഎസ്ആർടിസി ജീവനക്കാർ ബേഡകം പൊലീസിൽ പരാതി നൽകി. കെഎസ്ആർടിസി കണ്ടക്ടറെ മർദ്ദിക്കുന്ന ദൃശ്യങ്ങൾ മാധ്യമങ്ങൾക്ക് ലഭിച്ചു.
