മുതിര്‍ന്ന കോണ്‍ഗ്രസ് നേതാവും മുന്‍ മന്ത്രിയുമായ കെ.ശങ്കരനാരായണന്റെ മരണത്തില്‍ അനുശോചിച്ച് ബിജെപി ദേശീയ നേതാവ് കുമ്മനം രാജശേഖരൻ. രാഷ്‌ട്രീയത്തിൽ ഉറച്ച നിലപാടുകൾ സ്വീകരിച്ച് സ്വന്തം വ്യക്തിത്വം ഉയർത്തിപ്പിടിച്ച ഭരണാധികാരിയും, വ്യത്യസ്ഥമായ അഭിപ്രായം പുലർത്തുന്നവരോടും സുഹൃദ് ബന്ധം വെച്ചുപുലർത്തുന്ന നേതാവുമായിരുന്നു ശങ്കരനാരായണനെന്ന് ഫെയ്‌സ്ബുക്ക് പോസ്റ്റിൽ അദ്ദേഹം കുറിച്ചു.
കുറിപ്പിന്റെ പൂർണരൂപം:
രാഷ്‌ട്രീയത്തിൽ ഉറച്ച നിലപാടുകൾ സ്വീകരിച്ച് സ്വന്തം വ്യക്തിത്വം ഉയർത്തിപ്പിടിച്ച ഭരണാധികാരിയായിരുന്നു ശങ്കരനാരായണൻ. 6 സംസ്ഥാനങ്ങളിൽ ഗവർണറും 4 പ്രാവശ്യം മന്ത്രിയുമായി ഭരണ രംഗത്ത് ജ്വലിച്ചു നിന്ന അദ്ദേഹത്തിന് ഏവരുടേയും ആദരവ് പിടിച്ചെടുക്കാൻ കഴിഞ്ഞു. വ്യത്യസ്ഥമായ അഭിപ്രായം പുലർത്തുന്നവരോടും സുഹൃദ് ബന്ധം വെച്ചുപുലർത്തി. പ്രതിസന്ധി ഘട്ടങ്ങളിൽ നിസംഗ ഭാവത്തോടെ പ്രശ്നങ്ങളെ നേരിട്ടു. ഗവർണർ എന്ന നിലയിൽ ഭരണ നിർവ്വഹണം നടത്തിയപ്പോഴെല്ലാം തന്റെ ഭരണ നൈപുണ്യവും സാരഥ്യവും സംസ്ഥാന ഭരണ കൂടങ്ങൾക്ക് മിഴിവ് പകർന്നു. പല വിഷയങ്ങളിലും എതിർപ്പുകൾ അദ്ദേഹം എന്നോട് പ്രകടിപ്പിച്ചപ്പോഴും വ്യക്തിബന്ധം കാത്തുസൂക്ഷിച്ചിരുന്നു.
ആ ധന്യ സ്മരണയ്ക്ക് മുന്നിൽ പ്രണാമം.
