കോഴിക്കോട്: കോഴിക്കോട് ഭൂമിയുടെ ഉടമസ്ഥ സംബന്ധിച്ച് തർക്കത്തെ തുടർന്ന് ഗാന്ധി പ്രതിമ തകർത്തു. കോഴിക്കോട് കക്കോടി മോരിക്കരയിലാണ് സംഭവം. രണ്ട് പേര് തമ്മിലുള്ള തർക്കത്തിനിടയിലാണ് സ്ഥലത്ത് സ്ഥാപിച്ചിരുന്ന ഗാന്ധി പ്രതിമ തകർത്തത്. പ്രതിമയുടെ തല വെട്ടി മാറ്റിയ നിലയിലാണ് കണ്ടെത്തിയത്.
അതേസമയം സംഭവത്തിന് പിന്നിൽ രാഷ്ട്രീയമില്ലെന്ന് പോലീസ് വ്യക്തമാക്കി. സ്ഥലത്തിന്റെ ഉടമസ്ഥത സംബന്ധിച്ച് രണ്ടു പേർ തമ്മിൽ തർക്കം നിലനിന്നിരുന്നു. ഇതാണ് പ്രതിമ തകർക്കുന്നതിലേക്ക് എത്തിച്ചതെന്നാണ് പോലീസ് നിഗമനം. സംഭവത്തിൽ ചേവായൂർ പോലീസ് അന്വേഷണം ആരംഭിച്ചു.
