പാലക്കാട് : രണ്ട് ദിവസം മുമ്പ് പാലക്കാട് നിന്നും കാണാതായ ആൺകുട്ടിയെ തൃശൂരിൽ മരിച്ച നിലയിൽ കണ്ടെത്തി. പാലക്കാട് പേഴുങ്കര സ്വദേശിയായ അനസാണ് മരിച്ചത്. ബിഗ് ബസാർ സ്കൂളിൽ പ്ലസ് ടു വിദ്യാർത്ഥിയാണ് മരിച്ച അനസ്. രണ്ടു ദിവസം മുമ്പാണ് അനസ് വീട് വിട്ടു പോയതെന്നാണ് ബന്ധുക്കൾ പോലീസിൽ നൽകിയ പരാതി. പാലക്കാട് ടൗൺ സൗത്ത് പോലീസ് സ്റ്റേഷനിൽ നൽകിയ പരാതിയുടെ അടിസ്ഥാനത്തിലാണ് അന്വേഷണം ആരംഭിച്ചത്.
പോലീസിന്റെ അന്വേഷണത്തിനൊടുവിലാണ് അനസിനെ തൃശൂരിൽ മരിച്ച നിലയിൽ കണ്ടെത്തിയത്. പോലീസ് പരിശോധന തുടരുകയാണെന്ന് അറിയിച്ചു.
