യുഎഇയിലെ പള്ളികള് മറ്റ് ആരാധനാലയങ്ങള് എന്നിവിടങ്ങളിലെ പ്രാര്ത്ഥനകള് തിങ്കളാഴ്ച രാത്രി 9 മണി മുതല് നാല് ആഴ്ചക്കാലത്തേക്ക് നിര്ത്തിവച്ചു.
ജനറല് അതോറിറ്റി ഓഫ് ഇസ്ലാമിക് അഫയേഴ്സ് ആന്ഡ് എന്ഡോവ്മെന്റ് തിങ്കളാഴ്ച വൈകിട്ടാണ് ഇക്കാര്യം അറിയിച്ചത്. കോവിഡ് -19 നെതിരെ യുഎഇ സ്വീകരിച്ച മുന്കരുതല്, പ്രതിരോധ നടപടികള് നടപ്പാക്കുന്നതിന്റെ ഭാഗമായി ആരോഗ്യ-സാമൂഹിക സംരക്ഷണ മന്ത്രാലയത്തിന്റെ നിര്ദ്ദേശങ്ങള്ക്കനുസൃതമായാണ് തീരുമാനം.’തീരുമാനം എല്ലാ ആരാധനാലയങ്ങളിലും നടപ്പാക്കും.’
ഏകീകൃത ആസാന് (പ്രാര്ത്ഥനയ്ക്കുള്ള ആഹ്വാനം) മാത്രമേ പ്രവര്ത്തിപ്പിക്കൂ. അതേസമയം പള്ളികളുടെ വാതിലുകള് അടച്ചിടും. ‘ഇക്കാമ (പ്രാര്ത്ഥനയ്ക്കായി) ഉച്ചഭാഷിണികളില് ശബ്ദം നല്കില്ല.’ ദിവസേനയുള്ള അഞ്ച് പ്രാര്ത്ഥനകള് എല്ലാവരും വീട്ടില് പ്രാര്ത്ഥിക്കാന് അഭ്യര്ത്ഥിച്ചു.
