മലയാളത്തിന് പുറമേ അന്യഭാഷകളിലും നിരവധി ആരാധകരുള്ള നടനാണ് നിവിൻ പോളി. നിലവിൽ തമിഴ് സംവിധായകൻ റാമിന്റെ പുതിയ ചിത്രത്തിൽ അഭിനയിച്ചുകൊണ്ടിരിക്കുകയാണ്. മുടിയും താടിയും നീട്ടിയ ലുക്കിലാണ് താരം സിനിമയിൽ എത്തുന്നത്. ഇപ്പോൾ സോഷ്യൽ മീഡിയയിൽ വൈറലാവുന്നത് താരത്തിന്റെ പുതിയ ഫോട്ടോയാണ്. നേരത്തെ സൈമ അവാർഡിൽ നടന്റെ പുതിയ ലൂക്ക് ചർച്ചയായിരുന്നു.
നിവിൻ തന്നെയാണ് മുടി നീട്ടിയ സ്റ്റൈലൻ ലുക്കിലുള്ള ചിത്രം പങ്കുവെച്ചിരിക്കുന്നത്. മികച്ച അഭിപ്രായമാണ് ചിത്രത്തിന് ലഭിക്കുന്നത്. ഈശോയെ പോലെയുണ്ടെന്നാണ് പലരുടേയും കണ്ടെത്തൽ. നടിമാരായ ശ്രിന്ദയും അപർണയും ഉൾപ്പടെ നിരവധി പേരാണ് ജീസസ് എന്ന കമന്റുമായി എത്തിയത്. മമ്മൂട്ടിയെ നായകനാക്കി സംവിധാനം ചെയ്ത പേരൻപിന് ശേഷം റാം ഒരുക്കുന്ന ചിത്രത്തിലാണ് നിവിൻ എത്തുന്നത്. ഇതുവരെ പേരിട്ടിട്ടില്ലാത്ത നിവിന്റെ ചിത്രത്തില് അഞ്ജലിയാണ് നായികയായി എത്തുന്നത്. ചിത്രത്തിൽ സൂരിയും പ്രധാന വേഷത്തിലെത്തുന്നുണ്ട്. മലയാളത്തിലും തമിഴിലും ആയിട്ടായിരിക്കും ചിത്രം എത്തുക. ചിത്രം നിര്മിക്കുന്നത് സുരേഷ് കാമാച്ചിയുടെ വി ഫോര് പ്രൊഡക്ഷൻസ് ആണ്. ചിത്രം ധനുഷ്കോടിയിലാണ് ഷൂട്ട് ചെയ്യുന്നത്.