കുപ്രസിദ്ധ കുറ്റവാളിയായ കട്ടപ്പന സ്വദേശി പോത്തൻ അഭിലാഷ് എന്ന ആന അഭിലാഷ് പിടിയിൽ . കൊലപാതകം, ബലാത്സംഗം തുടങ്ങി നിരവധി കേസുകളിൽ പ്രതിയാണ് ഇയാൾ. ഇടുക്കി ശാന്തൻപാറ കെ.ആർ വിജയ എസ്റ്റേറ്റിൽ ഗുണ്ടാ സംഘങ്ങളുടെ സംരക്ഷണയിൽ ഒളിവിൽ കഴിഞ്ഞിരുന്ന പ്രതിയെ സാഹസികമായാണ് പോലീസ് പിടികൂടിയത്.
ചെറുപ്പം മുതൽ തന്നെ ഒരുപാട് കുറ്റകൃത്യങ്ങൾ ചെയ്ത വ്യകതിയാണ് പ്രതി അഭിലാഷ്. സ്വന്തം കൂട്ടുകാരൻറെ അമ്മയെ പീഡിപ്പിക്കുകയും പല സ്ത്രകലെ പീഡിപ്പിക്കാൻ ശ്രമിക്കുകയും ചെയ്തിരുന്നു. ഒരു പ്രകോപനവും കൂടാതെ മറ്റുള്ളവരെ വെട്ടിപരുക്കേൽപിക്കുമായിരുന്നു. 2013 ൽ സ്വന്തം ഭാര്യാപിതാവിനെ ഒരു പ്രകോപനവും കൂടാതെ വീട്ടിൽ കേറി വെട്ടി കൊലപ്പെടുത്തിയിരുന്നു. അതുമാത്രമല്ല 2018ൽ സ്വന്തം അമ്മയുടെ അനുജത്തിയേയും മകളെയും വെട്ടിപ്പരിക്കേൽപ്പിച്ചിരുന്നു. 2018ൽ കാപ്പനിയമപ്രകാരം ജയിൽ ശിക്ഷ അനുഭവിച്ചു . പ്രതി വിഷം കഴിച്ച് അത്യാസന്ന നിലയിൽ കിടന്നപ്പോൾ ആശുപത്രിയിൽ എത്തിച്ച അയൽവാസിയെയും വെട്ടി പരുക്കേൽപ്പിച്ചിരുന്നു. ഈ കേസിൽ ഒളിവിൽ പോയ പ്രതിയെ ഒരുവർഷത്തിന് ശേഷം പളനിയിൽ വച്ച് പോലീസ് പിടികൂടി
..
. അതിനുശേഷം ഈ കേസിൽ ജാമ്യത്തിൽ ഇറങ്ങിയ പ്രതി തൻ്റെ സഹോദരിയുടെ വീട്ടിൽ കയറി ആക്രമിക്കുകയും സഹോദരിയുടെ 17 വയസ്സുള്ള മകനെ പരിക്കേൽപ്പിക്കുകയും ചെയ്തിരുന്നു . ശേഷം ഒളിവിൽ കഴിഞ്ഞു വരവേയാണ് കട്ടപ്പന ഡിവൈഎസ്പി വി. എ നിഷാദ് മോൻൻ്റെ നേതൃത്വത്തിലുള്ള സംഘം ഇയാളെ പിടികൂടിയത്.കൊലപാതകശ്രമം, കൊലപാതകം ഉൾപ്പെടെയുള്ള എല്ലാ കേസുകളുടെയും ജാമ്യം റദ്ദാക്കാൻ കോടതിയിൽ അപേക്ഷ നൽകിയിട്ടുണ്ടെന്ന് കട്ടപ്പന ഡിവൈഎസ്പി അറിയിച്ചിട്ടുണ്ട്.
