മീനുകൾ പലതരമുണ്ടെങ്കിലും തിരുത അതിൽ നിന്നും വേറിട്ട് നിലനിൽക്കുന്നു . വലിപ്പം കൂടിയ കണ്ണുകളും കട്ടിയുള്ള കൺപോളകളും മീനിന്റെ അടിഭാഗത്തായി കാണുന്ന കറുപ്പും നീലയും കലർന്ന അടയാളവും വാലിനറ്റത്തായുള്ള കറുത്ത അടയാളവും തിരുതയുടെ മാത്രം പ്രത്യേകതയാണ്. ജലമീനുകളായ തിലാപ്പിയ, പൂമീന്‍, കണമ്പ്, കരിമീന്‍ എന്നീ മത്സ്യങ്ങളോടൊപ്പം തിരുതയെ വളർത്താവുന്നതാണ് .
ശ്രീലങ്ക, പാകിസ്താൻ, വിയറ്റ്നാം, ചൈന, ജപ്പാൻ, ഫിലിപ്പീൻസ്, ആസ്ത്രേലിയ, ഇന്ത്യ തുടങ്ങിയ രാജ്യങ്ങളിലാണ് തിരുതമീനുകളെ പ്രധാനമായും വളർത്തുന്നത്. മത്സ്യകൃഷിക്കും തിരുതക്ക് ഏറിയ സ്ഥാനമാണുള്ളത് . തമിഴ്നാട്ടിലെ കടൽത്തീരങ്ങളിൽ നിന്ന് ശേഖരിക്കുന്ന തിരുതക്കുഞ്ഞുങ്ങളെ ശുദ്ധജലവുമായി ഇണപെടുത്തിയ ശേഷം ഉൾനാടൻ ശുദ്ധജലാശയങ്ങളിൽ വളർത്തിയാണ് കൂടുതലായും മത്സ്യകൃഷി നടത്തുന്നത്.
പശ്ചിമബംഗാളിലെ തടാകങ്ങളിലും നെൽവയലുകളിലും തിരുത മത്സ്യം കൃഷി ചെയ്യുന്നുണ്ട്.കൊച്ചിയിലും പരിസരപ്രദേശങ്ങളിലും ധാരാളമായി കണ്ടുവരുന്ന തിരുത വളര്‍ത്താന്‍ ഏറെ അനുയോജ്യമായ മത്സ്യമാണ് . വേഗത്തിലുള്ള വളര്‍ച്ച, മറ്റു മത്സ്യങ്ങളുമായി പൊരുത്തപ്പെട്ടുപോകാനുള്ള കഴിവ്, മാംസത്തിന്റെ രുചി തുടങ്ങി മാർക്കറ്റിലെ മീനിന്റെ ഉയർന്ന വിലവരെ തിരുത്തയെ വേറിട്ട് നിർത്തുന്നു.
