ഭുവനേശ്വര്‍ : ഒഡിഷയിലെ പതാധാര റിസര്‍വ് ഫോറസ്റ്റില്‍ മാവോയിസ്റ്റുകളുടെ ആക്രമണത്തിൽ വരിച്ചു മൂന്ന് സി.ആര്‍.പി.എഫ് ജവാന്മാര്‍ക്ക് വീരമൃത്യുവരിച്ചു. നാല് പേര്‍ക്ക് ഗുരുതര പരിക്കേറ്റു. ഉത്തര്‍പ്രദേശ് സ്വദേശി എ.എസ്‌.ഐ ശിശുപാല്‍ സിംഗ്, ഹരിയാന സ്വദേശികളായ എ.എസ്‌.ഐ ശിവ്‌ലാല്‍, കോണ്‍സ്റ്റബിള്‍ ധര്‍മ്മേന്ദ്ര സിംഗ് എന്നിവരാണ് വീരമൃത്യു വരിച്ചത്.
ഇന്നലെ ഉച്ചതിരിഞ്ഞ് ഒരു റോഡ് തുറക്കുന്നതുമായി ബന്ധപ്പെട്ട പ്രവര്‍ത്തനത്തിലേര്‍പ്പെട്ട ജവാന്മാര്‍ക്ക് നേരെയായിരുന്നു വെടിവെപ്പ്. വീരമൃത്യു വരിച്ച ജവാന്‍മാരില്‍ നിന്ന് എകെ-47 റൈഫിളുകള്‍ കൈക്കലാക്കി അക്രമികള്‍ സ്ഥലംവിട്ടു. പ്രദേശത്ത് സി.ആര്‍.പി.എഫിന്റെ നേതൃത്വത്തില്‍ തിരച്ചില്‍ ആരംഭിച്ചു.
