കണ്ണൂർ: ചലച്ചിത്ര താരം പെരുന്താറ്റിൽ ഗോപാലൻ അന്തരിച്ചു. 73 വയസായിരുന്നു. ഇന്ന് പുലർച്ചെ ആയിരുന്നു അന്ത്യം. ശബ്ദാനുകരണകലയിലും ഏകാഭിനയത്തിലും കഴിവ് തെളിയിച്ച വ്യക്തിയാണ് ഗോപാലൻ. ആകാശ വാണിയിൽ എ ക്ലാസ് ആർട്ടിസ്റ്റ് ആയ അദ്ദേഹം റവന്യൂ ജീവനക്കാരനായിരുന്നു.
പതിനായിരക്കണക്കിന് വേദികളിൽ അദ്ദേഹം പരിപാടികൾ അവതരിപ്പിച്ചിട്ടുണ്ട്. ബിജെപിയുടെ തിരഞ്ഞെടുപ്പ് വേദികളിൽ സജീവമായിരുന്ന ഗോപാലൻ എൻ.ജി.ഒ സംഘിന്റെ നേതാവ് കൂടിയായിരുന്നു.
സംസ്‌കാരം ഇന്ന് വൈകുന്നേരം അഞ്ച് മണിക്ക് വീട്ടുവളപ്പിൽ വെച്ച്.
