മലപ്പുറം: പോക്‌സോ കേസിലെ പ്രതി പീഡനത്തിന് ഇരയായ പെൺകുട്ടിയെ കൊല്ലുമെന്ന് ഭീഷണിപ്പെടുത്തുന്നുവെന്ന പരാതിയുമായി പിതാവ്. ചട്ടിപ്പറമ്പ് സ്വദേശി ഫിറോസിനെതിരെയാണ് പിതാവ് പരാതിയുമായി ജില്ലാ പോലീസ് മേധാവിയെ സമീപിച്ചത്. ഭീഷണിയെ തുടർന്ന് കുട്ടി സ്‌കൂളിലോ, മദ്രസയിലോ പോകുന്നില്ലെന്നും പിതാവ് പറയുന്നു.
ഓട്ടോ ഡ്രൈവറായ ഫിറോസ് കഴിഞ്ഞ വർഷം ഡിസംബറിലാണ് കുട്ടിയെ പീഡിപ്പിച്ചത്. കേസിൽ പോലീസ് ഇയാളെ അറസ്റ്റ് ചെയ്തിരുന്നു. തുടർന്ന് ജില്ലയിൽ പ്രവേശിക്കരുതെന്ന ഉപാധിയോടെ പ്രതിയ്ക്ക് കോടതി ജാമ്യം അനുവദിച്ചു.
തുടർന്ന് കുട്ടിയുടെ പിതാവ് ജില്ലാ കളക്ടർക്ക് പരാതി നൽകി. ഇതറിഞ്ഞ പ്രതി സ്‌കൂൾവിട്ട് വീട്ടിലേക്ക് വരികയായിരുന്ന പെൺകുട്ടിയെ കൊല്ലുമെന്ന് ഭീഷണിപ്പെടുത്തുകയായിരുന്നു. തുടർന്ന് കൊളത്തൂർ പോലീസിൽ പരാതി നൽകിയെങ്കിലും നടപടി ഉണ്ടായില്ല. തുടർന്നാണ് ജില്ലാ പോലീസ് മേധാവിയ്‌ക്ക് പരാതി നൽകിയത്.
