ഉദയ്പുര്: ആദിവാസി യുവതിയെ പീഡിപ്പിച്ച കേസിൽ പോലീസുകാരന് സസ്പെൻഷൻ. തന്നെ പീഡിപ്പിക്കുകയും ഭീഷണിപ്പെടുത്തുകയും ചെയ്തെന്ന ആദിവാസി യുവതിയുടെ പരാതിയില് മേലാണ് പോലീസ് ഉദ്യോഗസ്ഥനെ ജോലിയില് നിന്നും സസ്പെന്ഡ് ചെയ്ദതത്. രാജസ്ഥാനിലെ ഉദയ്പുര് ജില്ലയിലാണ് സംഭവം നടന്നത്. ഒരു പെണ്കുട്ടിയെ കാണാതായതുമായി ബന്ധപ്പെട്ട സംഭവത്തില് പരാതിക്കാരിയായ യുവതിയെയും മാതാപിതാക്കളെയും മറ്റൊരാളെയും കോണ്സ്റ്റബിള് ജിതേന്ദ്രയും പനാര്വ പോലീസ് സ്റ്റേഷനിലെ അസിസ്റ്റന്റ് സബ് ഇന്സ്പെക്ടര് രാജ്കുമാറും സ്വകാര്യവാഹനത്തില് ഗുജറാത്തിലേക്ക് കൊണ്ടുപോയിരുന്നു.
എന്നാല്,കാണാതായ പെണ്കുട്ടിയെക്കുറിച്ച് ഇവര്ക്ക് അറിയാമെന്നാണ് പോലീസ് സംശയിച്ചത്. ഗുജറാത്തിലേക്ക് പോകുന്നതിന് മുന്പ് യുവതിയെയും മാതാപിതാക്കളെയും പോലീസ് പോസ്റ്റില് താമസിപ്പിച്ചിരുന്നു. ഇവിടെ വച്ചാണ് പീഡനം നടന്നതെന്ന് പെണ്കുട്ടി ആരോപിക്കുന്നത് .
