എറണാകുളം: ഉമ്മന്ചാണ്ടിയ്ക്ക് പിന്നാലെ വി.ഡി. സതീശനെതിരെയും പോസ്റ്റർ പ്രതിഷേധം.എറണാകുളം ഡി.സി.സി. ഓഫീസിന് മുന്നിലാണ് പ്രതിപക്ഷ നേതാവ് വി.ഡി. സതീശനെതിരെ പോസ്റ്ററുകൾ പ്രത്യക്ഷപ്പെട്ടിരിക്കുന്നത്. വി.ഡി. സതീശൻ ഗ്രൂപ്പ് കളി അവസാനിപ്പിക്കണമെന്ന് ചൂണ്ടിക്കാട്ടിയാണ് പോസ്റ്റർ പതിച്ചിരിക്കുന്നത്. “വി.ഡി. സതീശൻ കോൺഗ്രസ്സിനെ നശിപ്പിക്കുന്ന അഭിനവ തുഗ്ലക്”, സതീശന്റെ കോൺഗ്രസ് വഞ്ചനയും കള്ളക്കളിയും തിരിച്ചറിയുക, മുതിര്ന്ന നേതാക്കളെ അവഗണിക്കരുതെന്നും” പോസ്റ്ററില് മുന്നറിയിപ്പ് നല്കുന്നു.
ഡി.സി.സി. അധ്യക്ഷ പട്ടിക സംബന്ധിച്ച ചര്ച്ചകള് പുരോഗമിക്കവെയാണ് വി.ഡി. സതീശനെതിരെ പോസ്റ്റര് പ്രതിഷേധം ഉണ്ടായെന്നതാണ് ശ്രദ്ധേയം. കോണ്ഗ്രസ് പാര്ട്ടിക്കെതിരെ ജീവിതം ഹോമിച്ച ഉമ്മന്ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രന്, വി.എം. സുധീരന് എന്നീ മുതിര്ന്ന നേതാക്കളെ അവഗണിക്കുന്ന വി.ഡി. സതീശന്റെ പൊയിമുഖം തിരിച്ചറിയുക, ഗ്രൂപ്പ് ഇല്ലായെന്ന കോണ്ഗ്രസുകാരെ തെറ്റിദ്ധരിപ്പിച്ച് പുതിയ ഗ്രൂപ്പ് ഉണ്ടാക്കുന്ന വി.ഡി. സതീശന്, ജില്ലയില് കോണ്ഗ്രസിന് സീറ്റുകള് നഷ്ടപ്പെട്ടാലും വേണ്ടില്ല, തന്റെ ഗ്രൂപ്പുകാരന് തന്നെ ജില്ലാ കോണ്ഗ്രസ് പ്രസിഡന്റാക്കാന് താല്പര്യപ്പെടുന്ന വി.ഡി. സതീശന് എന്നിങ്ങനെയാണ് വി.ഡി. സതീശനെതിരായ പ്രധാന പോസ്റ്ററുകൾ.
അതേസമയം നേരത്തെ മുതിര്ന്ന നേതാക്കളായ ഉമ്മന്ചാണ്ടി, കൊടിക്കുന്നില് സുരേഷ് എന്നിവര്ക്കെതിരേയും പോസ്റ്റര് ഒട്ടിച്ചിരുന്നു. ഉമ്മന്ചാണ്ടി കോണ്ഗ്രസിന്റെ അന്തകനാണോയെന്നായിരുന്നു കോട്ടയത്ത് പ്രത്യക്ഷപ്പെട്ട പോസ്റ്ററുകള്. ഇതിനുപിന്നാലെയാണ് ഇപ്പോൾ വിഡിസതീശനെതിരെയും പോസ്റ്റർ പ്രതിഷേധം ഉണ്ടായിരിക്കുന്നത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
