പഞ്ചാബ് :ഗായകന് സിദ്ധു മൂസേവാല കൊലക്കേസുമായി ബന്ധപ്പെട്ട്. പ്രശസ്ത പഞ്ചാബി ഗായിക അഫ്സാന ഖാനെ ദേശീയ അന്വേഷണ ഏജന്സി (എന്ഐഎ) വിളിച്ചുവരുത്തി ചോദ്യം ചെയ്തു. അഞ്ച് മണിക്കൂറോളം ചോദ്യം ചെയ്യൽ നീണ്ടു. സിദ്ധു മൂസേവാലയെ തന്റെ സഹോദരനായാണ് കാണുന്നതെന്ന് അഫ്സാന പറഞ്ഞു .
കേസില് ഉള്പ്പെട്ട ഗുണ്ടാസംഘങ്ങളുടെ കണ്ണികളെക്കുറിച്ച് എന്ഐഎ സംഘത്തിന് അഫ്സാനയില് നിന്ന് വിവരം ലഭിച്ചതായാണ് റിപ്പോർട്ട് . മൂസേവാലയുടെ കൊലപാതകത്തില് അഫ്സാന ഖാന് പങ്കുണ്ടെന്നാണ് എന്ഐഎ സംശയിക്കുന്നത്. അടുത്തിടെ ഗുണ്ടാസംഘങ്ങളെ ലക്ഷ്യമിട്ട് എന്ഐഎ നടത്തിയ രണ്ടാം ഘട്ട റെയ്ഡിൽ ഗായികയുമായി ബന്ധപ്പെട്ട ചില നിര്ണായക വിവരങ്ങള് ലഭിച്ചിരുന്നു . ലോറന്സ് ബിഷ്ണോയി-ഗോള്ഡി ബ്രാര് സംഘത്തിന്റെ എതിര് ചേരിയിലുള്ള ബാംബിഹയുടെ സംഘവുമായി അഫ്സാനയ്ക്ക് ബന്ധമുണ്ടെന്നാണ് എന്ഐഎയുടെ സംശയം. മുസേവാലയുടെ കൊലപാതകം ആസൂത്രണം ചെയ്തുവെന്ന വെളിപ്പെടുത്തലിന് പിന്നാലെയാണ് ബിഷ്ണോയി സംഘം കേസിലെ പ്രതികളായത്.