യു കെ : ബ്രിട്ടണില്‍ ഇന്ത്യന്‍ വംശജനായ ഋഷി സുനക് പ്രധാനമന്ത്രിയായേക്കും. നിലവില്‍ 157 എംപിമാരുടെ പിന്തുണയാണ് ഋഷി സുനകിനുള്ളത്. പ്രധാനമന്ത്രി പദത്തിലേക്ക് മത്സരിക്കാന്‍ 100 പേരുടെ പിന്തുണയാണ് വേണ്ടത്. ഇതോടെ മത്സര രംഗത്തുണ്ടായിരുന്ന മുന്‍ പ്രധാനമന്ത്രി ബോറിസ് ജോണ്‍സണ്‍ പിന്മാറി. 45 ദിവസം മാത്രം ഭരണത്തിലിരുന്ന ലിസ് ട്രസിന്റെ രാജിയുടെ ഫലമാണ് നിലവിലെ രാഷ്ട്രീയ സംഭവവികാസങ്ങള്‍.
യാത്രയിലായിരുന്ന മുൻ പ്രധാനമന്ത്രി ജോൺസൺ ഇന്നലെ ലണ്ടനിലേക്ക് മടങ്ങുകയും ഋഷി സുനക്കുമായി കൂടിക്കാഴ്ച്ച നടത്തുകയും ചെയ്തു. യുകെ പ്രധാനമന്ത്രി മത്സരത്തെ കുറിച്ച് ചർച്ച നടത്തിയതായും റിപ്പോർട്ടുകളുണ്ട്. ‘സമ്പദ് വ്യവസ്ഥ ശരിയാക്കാനും’ ‘രാജ്യത്തെ ഒന്നിപ്പിക്കാനും’ ആഗ്രഹിക്കുന്നു എന്ന പ്രഖ്യാപനത്തോടെയാണ് ഋഷി സുനക് ഞായറാഴ്ച്ച തന്റെ ഔദ്യോഗിക കാമ്പയിന്‍ ആരംഭിച്ചത്
