തിരുവനന്തപുരം: മാധ്യമപ്രവർത്തകൻ കെ എം ബഷീറിനെ കാറിടിച്ചു കൊലപ്പെടുത്തിയ കേസില്‍ സസ്‌പെന്‍ഷനിലായ ശ്രീറാം വെങ്കിട്ടരാമൻ അന്വേഷണ കമ്മീഷന് മുമ്പിൽ ഹാജരായി. പ്രിന്‍സിപ്പല്‍ സെക്രട്ടറി സഞ്ജയ് ഗാര്‍ഗ് തലവനായ സമിതിയുടെ മുമ്പിലാണ് ഹാജരായത്.
അന്വേഷണത്തിന്‍റെ ഭാഗമായി കേസിലെ പരാതിക്കാരനും സിറാജ് പത്രത്തിന്റെ ഡയറക്ടറുമായ എ.സൈഫുദീന്‍ ഹാജിയില്‍ നിന്നും സമിതി മൊഴിയെടുത്തിരുന്നു. പരാതിക്കാരന്‍റെയും സാക്ഷികളുടെയും മൊഴി രേഖപ്പെടുത്തുന്നതിന്‍റെ ഭാഗമായാണ് തുടർ നടപടി. വകുപ്പുതല അന്വേഷണത്തിന്‍റെ ഭാഗമായി ശ്രീറാം വെങ്കിട്ടരാമൻ നല്‍കിയ കുറ്റപത്രവും ഇതിന് ലഭിച്ച മറുപടിയും വിശദമായി പരിശോധിക്കും
സംസ്ഥാന പട്ടികജാതി, പട്ടികവര്‍ഗ പിന്നാക്ക വ്യവസായ വകുപ്പ് പ്രിന്‍സിപ്പല്‍ സെക്രട്ടറിയും മുതിര്‍ന്ന ഐ.എ.എസ് ഉദ്യോഗസ്ഥനുമായ സഞ്ജയ് ഗാര്‍ഗിനാണ് കേസിന്റെ അന്വേഷണ ചുമതല. മറ്റൊരു ഐ.എ.എസ് ഉദ്യോഗസ്ഥനും ഊര്‍ജ വകുപ്പ് സെക്രട്ടറിയുമായ ഡോ. ബി. അശോകുമാണ് പ്രസന്‍റിംഗ് ഓഫീസര്‍ കെ.എം ബഷീറിനെ മദ്യലഹരിയില്‍ കാറിടിച്ചു കൊലപ്പെടുത്തിയ കേസില്‍ റിമാന്‍ഡിലായ ശ്രീറാം വെങ്കിട്ടരാമനെ സസ്‌പെന്‍ഡ് ചെയ്ത ശേഷം ചീഫ് സെക്രട്ടറിയാണ് അദ്ദേഹത്തിനെതിരെ വകുപ്പുതല അന്വേഷണത്തിന് ഉത്തരവിട്ടത്.
