കൊച്ചി: മരട് നഗരസഭയിലെ അഞ്ച് അപ്പാര്‍ട്മെന്റുകള്‍ പൊളിച്ചു നീക്കണമെന്ന് സുപ്രീം കോടതി. തീരദേശ പരിപാലനനിയമം ലംഘിച്ച് നിര്‍മ്മിച്ച കെട്ടിടങ്ങള്‍ പൊളിച്ചുമാറ്റാനാണ് സുപ്രീം കോടതി ഉത്തരവിട്ടിരിക്കുന്നത്. ഒരു മാസത്തിനകം കെട്ടിടംപൊളിച്ചു നീക്കി റിപ്പോര്‍ട്ട് നല്‍കണമെന്നും കോടതി ആശ്യപ്പെട്ടു. തീരദേശ പരിപാലന അതോറിറ്റി നല്‍കിയ ഹര്‍ജിയിലാണ് നടപടി.
ജസ്റ്റിസ് അരുണ്‍ മിശ്ര അദ്ധ്യക്ഷനായ ബെഞ്ചാണ് ഉത്തരവിട്ടത്. ഹോളി ഫെയ്ത്ത്, കായലോരം, ആല്‍ഫാ വെഞ്ചേഴ്‌സ്,ഹെറിറ്റേജ്, ജെയ്ന്‍ ഹൗസിംഗ്് എന്നീ അപ്പാര്‍ട്ടുമെന്‍്‌സുകളാണ് പൊളിക്കേണ്ടിവരിക.അനധികൃത നിര്‍മ്മാണം നിമിത്തം ഇനിയും കേരളത്തിന് ഒരു പ്രളയക്കെടുതികൂടി താങ്ങാനാകില്ല. അതിനാല്‍ ഉടന്‍ പൊളിച്ചു മാറ്റണമെന്നും കോടതി കൂട്ടിച്ചേര്‍ത്തു.
