തിരുവനന്തപുരം: കേരളത്തിൽ കോവിഡ് രോഗബാധ കാരണമുള്ള മരണനിരക്ക് ആരോഗ്യവകുപ്പ് കുറച്ചുകാണിക്കുന്നുവെന്ന ആരോപണത്തിൽ അന്വേഷണം വേണമെന്ന് കെപിസിസി വർക്കിംഗ് പ്രസിഡന്റ് ടി സിദ്ദിഖ്.
പ്രശസ്തി നേടാനും പി ആർ വർക്ക് വഴി നേടിയ പുരസ്കാരങ്ങളുടെ തിളക്കം നഷ്ടപ്പെടാതിരിക്കാനും മുൻ ആരോഗ്യമന്ത്രി കെ.കെ. ശൈലജ കോവിഡ് മരണങ്ങൾ മറച്ചുവച്ചിരുന്നു. ഇതൊക്കെ മുഖ്യമന്ത്രിയുടെ അറിവോടെയാണോയെന്ന് വ്യക്തമാക്കണം. അധാർമികമായ നടപടി തിരുത്തിയില്ലെങ്കിൽ നിയമവഴി തേടുമെന്നും സിദ്ദിഖ് പറഞ്ഞു. കോവിഡ് മരണങ്ങളുടെ കണക്ക് സർക്കാർ നൽകിയതിലും കൂടുതലാണ് എന്ന് മാധ്യമങ്ങൾ തന്നെ തെളിവ് സഹിതം പുറത്തു വിട്ടിരുന്നു