കോട്ടയം : സാങ്കേതികവും പ്രവര്‍ത്തനപരവുമായ കാരണങ്ങളാല്‍ കോട്ടയം പാസ്‌പോര്‍ട്ട് സേവാകേന്ദ്രത്തിന്റെ സേവനം നാളെ മുതല്‍ താല്‍കാലികമായി ജനങ്ങൾക്ക് ലഭ്യമാകില്ലെന്ന് കൊച്ചി റിജിയനല്‍ പാസ്‌പോര്‍ട്ട് ഓഫിസര്‍ ടി.ആര്‍.മിഥുന്‍ അറിയിച്ചു.
ഈ കേന്ദ്രത്തിൽ നിന്നും നേരത്തേ അനുവദിച്ചിട്ടുള്ള നാളെ മുതലുള്ള കൂടിക്കാഴ്ചാ സമയക്രമങ്ങള്‍ അപേക്ഷകർ പുനഃക്രമീകരിക്കണമെന്നും അദ്ദേഹം പറഞ്ഞു. തൊട്ടടുത്തുള്ള പാസ്‌പോര്‍ട്ട് സേവാകേന്ദ്രങ്ങളിലേക്കാണ് പുനഃക്രമീകരിക്കേണ്ടത്.
കോട്ടയം ജില്ലയിലുള്ളവരുടെ സൗകര്യാർത്ഥം ആലപ്പുഴ, ആലുവ, തൃപ്പുണിത്തുറ എന്നീ പാസ്‌പോര്‍ട്ട് സേവാകേന്ദ്രങ്ങളിലെ സാധാരണ, തത്കാല്‍, പിസിസി അപേക്ഷകൾക്കുള്ള അപ്പോയിന്റ്മെന്റുകളുടെ എണ്ണം ആനുപാതികമായി കൂട്ടിയിട്ടുണ്ടെന്നും കൊച്ചി റിജിയനല്‍ പാസ്‌പോര്‍ട്ട് ഓഫിസര്‍ വ്യക്തമാക്കി
