തിരുവനന്തപുരം :തലസ്ഥാനത്ത് രാവിലെമുതൽ യുദ്ധവിമാനങ്ങളുടെ ഇരമ്പൽ കേട്ട് പകച്ചിരിക്കുകയാണ് നാട്ടുകാർ.എന്നാൽ ഫെബ്രുവരി 5 മുതൽ രാവിലെ 8.30ന് തിരുവനന്തപുരം ശംഖുംമുഖം ബീച്ചിൽ ഇന്ത്യൻ എയർ ഫോഴ്സിന്റെ സൂര്യകിരൺ എയ്റോബാറ്റിക് ഡിസ്പ്ലേ ടീമിന്റെ വ്യോമാഭ്യാസ പ്രകടനം നടക്കുകയാണ്. അതിന്റെ ഡ്രസ് റിഹേഴ്സൽ ആണ് ഇന്ന് രാവിലെ നടന്നത്.എയർ ഷോ തലസ്ഥാനത്തെ കാണികളെ ആനന്ദിപ്പിക്കും.
നഗരത്തിലെ വിവിധ സ്കൂളുകളിൽ നിന്നുള്ള വിദ്യാർഥികൾക്ക് ഡ്രസ് റിഹേഴ്സൽ ദിനത്തിലെ പ്രകടനം കാണുന്നതിന് പൊതുവിദ്യാഭ്യാസ വകുപ്പ് ക്രമീകരണങ്ങൾ ഏർപ്പെടുത്തിയിട്ടുണ്ട്. ഫെബ്രുവരി അഞ്ചിന് എൻട്രി പാസുമായി പൊതുജനങ്ങളെ പവലിയനിലേക്ക് അനുവദിക്കും. ഫെബ്രുവരി 2 മുതൽ ടൂറിസം ഡയറക്ടറേറ്റിലെ ടൂറിസം ഇൻഫർമേഷൻ സെന്ററിൽ പൊതുജനങ്ങൾക്ക് പാസുകൾ വാങ്ങാം.