തിരുമങ്കൈ ആഴ്‌വാർ വിഗ്രഹം ലണ്ടനിലെ മ്യൂസിയത്തിൽ !
കണ്ടെത്തിയത് 1957-ൽ മോഷണം പോയ വിഗ്രഹം
ഇനി തിരികെ തഞ്ചാവൂരിലേക്ക്
ചെന്നൈ: കോടികൾ വിലയുള്ള തിരുമങ്കൈ ആഴ്‌വാർ വെങ്കല വിഗ്രഹം തമിഴ്നാട് പൊലീസ് തിരിച്ചുപിടിച്ചു .1957-ൽ മോഷണം പോയ വിഗ്രഹം ലണ്ടനിലെ ഓക്സ്ഫോർഡ് സർവകലാശാലയുടെ മ്യൂസിയത്തിൽനിന്ന് തിരികെയെത്തിക്കും .തഞ്ചാവൂർ ജില്ലയിലെ സൗന്ദരരാജ പെരുമാൾ ക്ഷേത്രത്തിൽ നിന്ന് 1950-നും 1967-നുമിടയിൽ മോഷണം പോയ നാല് വിഗ്രഹങ്ങളിലൊന്നാണ് ഇതെന്ന് കടത്തൽ കേസ് അന്വേഷിക്കുന്ന തമിഴ്നാട് പൊലീസ് സംഘം പറഞ്ഞു.
അതേസമയം ഓക്സ്ഫോർഡിലെ അഷ്മൊലിൻ മ്യൂസിയത്തിൽ 1967-ൽ വിഗ്രഹം കണ്ടെത്തിയെന്ന രേഖകളും ഉണ്ട് .ക്ഷേത്രത്തിൽ നിന്ന് മേഷണം പോയ കാളിങ്ക നർത്തനായ കൃഷ്ണ, വിഷ്ണു, ശ്രീദേവി വിഗ്രഹങ്ങളും അമേരിക്കയിലെ വിവിധ മ്യൂസിയങ്ങളിലുണ്ടെന്ന് കണ്ടെത്തിയിരുന്നു. ഇവ തിരികെ എത്തിക്കാനുള്ള നടപടികൾ പുരോഗമിക്കുകയാണെന്ന് സംസ്ഥാന പൊലീസ് മേധാവി അറിയിച്ചു.2020-ലാണ് തമിഴ്നാട് പൊലീസ് കേസെടുത്തത്. ഈ വിഗ്രഹത്തിനൊപ്പം കാണാതായ മറ്റ് മൂന്ന് വിഗ്രഹങ്ങൾ വിദേശത്ത് നിന്നുള്ള കള്ളക്കടത്ത് സംഘം അനധികൃതമായി വിറ്റതായി കണ്ടെത്തിയിരുന്നു. മോഷണം സംബന്ധിച് തെളിവുകൾ സർവകലാശാലയ്‌ക്ക് പൊലീസ് കൈമാറിയിരുന്നു. തുടർന്ന് ലണ്ടനിൽ നിന്നുള്ള വിദഗ്ധസംഘം തമിഴ്നാട്ടിലെത്തി പരിശോധന നടത്തി. ഇതിന് പിന്നാലെയാണ് പ്രതിമ ഇന്ത്യക്ക് വിട്ടുനൽകാനുള്ള അപ്പീൽ അംഗീകരിച്ചത്.
