കൊൽക്കത്ത : പശ്ചിമബംഗാളിലെ ഗുരി ജില്ലയിൽ ആനക്കൊമ്പ് കടത്താൻ ശ്രമം.2.9 അടി നീളമുള്ള മൂന്ന് കിലോ ഭാരമുള്ള ആനക്കൊമ്പാണ് കടത്താൻ ശ്രമിച്ചത്.പ്രതികളിൽ ഒരാളെ ബെലകോബ വനം ഉദ്യോഗസ്ഥർ പിടികൂടീട്ടുണ്ട്.അലിപുർദുവാർ സ്വദേശിയായ മണികാന്ത് ഗോവാല (32)നെയാണ് വനം ഉദ്യോഗസ്ഥർ പിടികൂടിയത്.പ്രതികളായ മറ്റ് രണ്ടുപേർ ഒളിവിൽ കഴിയുകയാണ് ഇവർക്കായി പോലീസ് തിരച്ചിൽ തുടരുകയാണ്.
ആനക്കൊമ്പ് കടത്തുന്നുണ്ടെന്ന രഹസ്യ വിവരം ലഭിച്ചതിനെത്തുടർന്ന് ഉദ്യോഗസ്ഥർ സ്ഥലത്തെത്തുകയായിരുന്നു.അപ്പോൾ പതന്നെ പ്രതികളിൽ രണ്ടുപേർ ഓടിരക്ഷപ്പെടുകയായിരുന്നു.
ആനക്കൊമ്പ് നേപ്പാളിലോക്കാണ് കടത്താൻ ശ്രമിച്ചിരുന്നതെന്നാണ് ഉദ്യോഗസ്ഥർ പറയുന്നത്. 1972 ലെ വന്യജീവിസംരക്ഷണനിയമം പ്രകാരം നിരവധി വകുപ്പുകൾ പ്രതിക്കെതിരെ ചുമത്തിയിട്ടുണ്ട്.
