എറണാകുളം:കനത്ത മഴയെ തുടർന്ന് എറണാംകുളം ജംഗ്ഷനിൽ നിന്നുള്ള വിവിധ ട്രെയിനുകൾ തടസ്സപ്പെട്ടു. പരശുറാം എക്‌സ്പ്രസ് എറണാകുളം ടൗണ്‍ വഴി തിരിച്ചുവിടുകയും നിസാമുദ്ദീന്‍-എറണാകുളം മംഗള എക്‌സ്പ്രസ് ടൗണ്‍ സ്റ്റേഷനില്‍ സര്‍വീസ് നിര്‍ത്തി വെയ്ക്കുകയും ചെയ്തു.
കനത്ത മഴ സ്റ്റേഷനുകളിലെ സിഗ്നല്‍ പ്രവര്‍ത്തനത്തെ ബാധിച്ചിട്ടുണ്ടെന്ന് റെയില്‍വേ അധികൃതര്‍ അറിയിച്ചു.എറണാകുളം ജംഗ്ഷന്‍, ടൗണ്‍ സ്റ്റേഷൻ തുടങ്ങിയ ഇടങ്ങളിലെ സിഗ്നല്‍ പ്രവര്‍ത്തനത്തെയാണ് താത്ക്കാലികമായി ബാധിച്ചത്. വിവിധയിടങ്ങളില്‍ റെയില്‍വേ ട്രാക്കുകളില്‍ വെള്ളം കയറിയതായും അധികൃതർ അറിയിച്ചു.
ഏറെ നേരത്തെ ട്രെയിൻ ഗതാഗതം തടസ്സപ്പെട്ടതും ഗതാഗത കുരുക്കും യാത്രക്കാരെ വലച്ചു.എറണാംകുളം ജില്ലയിലെ വിവിധ യിടങ്ങളിലും വെള്ളക്കെട്ട് ഉണ്ടായിരിക്കുന്ന അവസ്ഥയും ദുരിതമാണ്.
