മുംബൈ: ഇന്ത്യന്‍ ക്രിക്കറ്റില്‍ ക്യാപ്റ്റന്‍സി വിവാദം രൂക്ഷമാകുന്ന പശ്ചാത്തലത്തിൽ പ്രതികരണവുമായി ടെസ്റ്റ് ടീം നായകന്‍ (Virat Kohli) വിരാട് കോഹ്ലി. രോഹിത് ശര്‍മയുമായി യാതൊരുവിധ പ്രശ്നവുമില്ലെന്നും ഇക്കാര്യം കഴിഞ്ഞ കുറച്ച് വര്‍ഷങ്ങളായി താന്‍ വിശദീകരിച്ച് കൊണ്ടേയിരിക്കുകയാണെന്നും വിശദീകരണം നല്‍കി മടുത്തെന്നും കോഹ്ലി വ്യക്തമാക്കി.
ബിസിസിഐയുമായി ആശയവിനിമയത്തിലുള്ള പ്രശ്‌നങ്ങള്‍ കോഹ്ലി സ്ഥിരീകരിച്ചു. ദക്ഷിണാഫ്രിക്കയ്‌ക്കെതിരെ നടക്കാനിരിക്കുന്ന ഏകദിന പരമ്പരയില്‍ കളിക്കുമെന്നും കോഹ്ലി പറഞ്ഞു. ട്വന്റി നായകസ്ഥാനം ഒഴിയാന്‍ തയ്യാറായിരുന്നു.ഏകദിനത്തില്‍ നായകനാവാന്‍ സെലക്ഷന്‍ കമ്മിറ്റിക്ക് താല്‍പ്പര്യമില്ലെങ്കില്‍ മാറാന്‍ തയ്യാറായിരുന്നു.മറ്റ് വാര്‍ത്തകള്‍ അസംബന്ധമാണെന്നും മുന്‍ ക്യാപ്റ്റന്‍ വ്യക്തമാക്കി. ദക്ഷിണാഫ്രിക്കന്‍ പരമ്പരയെ പ്രതീക്ഷയോടെയാണ് കാണുന്നതെന്നും വളരെ ആവേശത്തോടെയാണ് പരമ്പരയ്ക്കായി തയ്യാറെടുക്കുന്നതെന്നും കോഹ്ലി കൂട്ടിച്ചേര്‍ത്തു.
