ആര്യനാട് : ആത്മഹത്യശ്രമത്തിൽ നിന്ന് രക്ഷപ്പെടുത്തിയതിന് പിന്നാലെ, കത്തി ഉപയോഗിച്ച് സ്വയം കഴുത്തറുത്തയാൾ മരിച്ചു. വണ്ടയ്ക്കൽ തടത്തരികത്ത് വീട്ടിൽ പി.സുരേഷ് (49) ആണ് ജീവനൊടുക്കിയത്.
ഇന്ന് വൈകുന്നേരം മൂന്നുമണിയോടെ വീടിന്റെ ജനലിൽ മുണ്ട് ഉപയോഗിച്ച് തൂങ്ങി മരിക്കാൻ ഇയാൾ ശ്രമം നടത്തിയിരുന്നു. ഇത് കണ്ട ബന്ധുക്കൾ മുണ്ട് അറുത്ത് രക്ഷപ്പെടുത്തി.
ഇതിന് പിന്നാലെ വൈകുന്നേരം ആറുമണിയോടെ അടുക്കളയിൽ കയറിയ ഇയാൾ കത്തികൊണ്ട് കഴുത്തറുക്കാൻ ശ്രമിച്ചു. ഇത് കണ്ട ബന്ധുക്കൾ കത്തി പിടിച്ചു വാങ്ങിയശേഷം ഇയാളെ മെഡിക്കൽ കോളജ് ആശുപത്രിയിൽ എത്തിച്ചു. രാത്രി ഏഴുമണിയോടെ മരിച്ചു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പരുകൾ – 1056, 0471- 2552056)
