റാഞ്ചി: കോൺഗ്രസ്സ് എംഎൽഎ ഇൻഫാൻ അൻസാരിയുടെ പ്രസ്താവന വിവാദത്തിൽ. തന്റെ മണ്ഡലത്തിൽ നടി കങ്കണ റണാവത്തിന്റെ കവിളുകളെക്കാൾ മനോഹരവും മിനുസമുള്ളതുമായ റോഡുകൾ ഉണ്ടാക്കുമെന്ന പരാമർശമാണ് കോൺഗ്രസ് എംഎൽഎ ഇൻഫാൻ അൻസാരി നടത്തിയത്.
ഈ പ്രസ്താവനയാണ് ഇപ്പോൾ സോഷ്യൽമീഡിയയിൽ വിവാദമായിരിക്കുന്നത്. ഇർഫാൻ ഇങ്ങനെ പറയുന്നതിന്റെ വീഡിയോ വ്യാപകമായി പ്രചരിക്കുന്നുണ്ട്.
‘നിങ്ങൾക്ക് ഞാൻ ഉറപ്പ് തരുന്നു, ജമാത്രയിലെ റോഡുകൾ കങ്കണയുടെ കവിളുകളെക്കാൾ മിനുസമുള്ളതായിരിക്കും. ഇത്തരത്തിൽ ലോകോത്തര നിലവാരമുള്ള 14ഓളം റോഡുകളുടെ നിർമ്മാണം ജമാത്രയിൽ ഉടൻ ആരംഭിക്കുമെന്നും’- ഇർഫാൻ പറയുന്നു.
മാത്രമല്ല ഇങ്ങനെയുള്ള റോഡുകൾ ബിജെപിയുടെ കാലത്ത് ഉണ്ടാക്കിയിട്ടില്ലായെന്നും. സംസ്ഥാനത്തെ കൊള്ളയടിക്കുന്ന പ്രവർത്തനങ്ങളാണ് ബിജെപി ചെയ്തിരുന്നതെന്നും. വഴികളിൽ നിറയെ പൊടിയാണ്, അതുമൂലമുണ്ടാകുന്ന പ്രശ്നങ്ങൾ കാരണം ജനങ്ങൾ വലയുകയാണെന്നും, എന്ന് കോൺഗ്രസിന്റെ നേതൃത്വത്തിൽ സർക്കാർ രൂപീകരിക്കുന്നുവോ അന്ന് അവിടുത്തെ ജനങ്ങൾക്ക് ഈ പ്രശ്നങ്ങളിൽ പരിഹാരമുണ്ടാകുമെന്നും ഇർഫാൻ വീഡിയോയിൽ അവകാശപ്പെടുന്നു.
എന്തായാലും കോൺഗ്രസ് എംഎൽഎയുടെ പരാമർശത്തിനെതിരെ വിമർശനവും പ്രതിഷേധങ്ങളും ശക്തമാകുന്നുണ്ട്.