മൂന്നാര്: മൂന്നാര് പഞ്ചായത്തില് എല് ഡി എഫിന് ഭരണം നഷ്ടപ്പെടുമെന്ന ആശങ്ക ഉയര്ന്നു. സി പി ഐയ്ക്കൊപ്പം വര്ഷങ്ങളായി പ്രവർത്തിച്ചിരുന്ന ലക്ഷ്മി വാര്ഡിലെ അംഗം സന്തോഷ്, കഴിഞ്ഞ ദിവസം കോണ്ഗ്രസ് നേതാക്കളുമായി കൂടികാഴ്ച നടത്തിയിരുന്നു. സിപിഐയിലെ പ്രദേശിക നേതാക്കളുമായുള്ള ആശയക്കുഴപ്പങ്ങൾ കാരണമാണ് കോണ്ഗ്രസിലേക്ക് പോകാന് ശ്രമം നടത്തുന്നതെന്ന സൂചന ലഭിച്ചു. .
ഇന്ന് ഉച്ചയോടെ കോണ്ഗ്രസില് ചേരുന്ന വിവരത്തെ കുറിച്ച് പ്രഖ്യാപിക്കുമെന്ന് സന്തോഷ് വ്യക്തമാക്കി.
21 അംഗങ്ങള് ഉണ്ടായിരുന്ന കോണ്ഗ്രസിനാണ് ആദ്യം പഞ്ചായത്ത് ഭരണം ലഭിച്ചതെങ്കിലും കോണ്ഗ്രസ് അംഗങ്ങളായ പ്രവീണ രവികുമാര്, സ്വതന്ത്രനായി മത്സരിച്ച എ രാജേന്ദ്രന് എന്നിവര് ഇടതുമുന്നണിയിലേക്ക് കൂറുമായതൊടെ കോണ്ഗ്രസിന് ഭരണം നഷ്ടപ്പെട്ടു. എന്നാൽ ഒരു വര്ഷം പൂര്ത്തിയാക്കാന് ദിവസങ്ങള് മാത്രം ബാക്കി നില്ക്കെയാണ് എല് ഡി എഫിന് ഭരണം നഷ്ടപ്പെടുമെന്ന ആശങ്ക ഉയരുന്നത്.