സംസ്ഥാന ചലച്ചിത്ര അക്കാദമി ചെയര്‍മാനും സംവിധായകനുമായ കമല്‍ എന്ന കമാലുദ്ദീനെതിരെ ബലാത്സംഗ കേസുമായി മോഡലായ യുവനടി.
കമല്‍ സംവിധാനം നിര്‍വഹിച്ച’പ്രണയമീനുകളുടെ കടല്‍’ എന്ന ചലച്ചിത്രത്തില്‍ നായികാവേഷം വാഗ്ദാനം ചെയ്ത് ഔദ്യോഗിക വസതിയില്‍ വച്ച് മാനഭംഗപ്പെടുത്തിയെന്നാണ് കൊച്ചിയിലെ അഭിഭാഷകന്‍ മുഖേനയയച്ച നോട്ടീസിലെ ആരോപണം. ചലച്ചിത്രത്തില്‍ അവസരം വാഗ്ദാനം ചെയ്ത് പീഡിപ്പിച്ച ശേഷം വിശ്വാസവഞ്ചന കാട്ടിയതായും നോട്ടീസില്‍ കുറ്റപ്പെടുത്തുന്നു.
കമലിനെതിരെ മുന്‍പും ലൈംഗിക പീഡന ആരോപണം. ഉയര്‍ന്നിട്ടുണ്ടെന്ന് നിര്‍മ്മാതാവിന്റെ വെളിപ്പെടുത്തല്‍. ഈ പുഴയും കടന്ന എന്ന കമല്‍ സംവിധായകനായ ചിത്രത്തിന്റെ നിര്‍മ്മതാവ് കണ്ണന്‍ പെരുമുടിയൂര്‍ ആണ് വെളിപ്പെടുത്തല്‍ നടത്തിയത്.
കമലിനെതിരെ ബലാത്സംഗ ആരോപണം ഉന്നയിച്ച മോഡല്‍ കൂടിയായ യുവനടി അയച്ച വക്കീല്‍ നോട്ടിസ് പുറത്ത് വന്നതിന് പിന്നാലെയാണ് കണ്ണന്‍ പെരുമുടിയൂരിന്റെ വെളിപ്പെടുത്തല്‍. ഈ പുഴയും കടന്ന് എന്ന സിനിമയുടെ ചിത്രീകരണത്തിനെതിരെ കമലിനെതിരെ ചില സ്ത്രീകള്‍ പരാതി ഉന്നയിച്ചിരുന്നുവെന്ന് അദ്ദേഹം പറഞ്ഞു.
ആമി എന്ന സിനിമയുടെ ചിത്രീകരണത്തിനിടെ രണ്ട് യുവ നടികളെ കമല്‍ പീഡിപ്പിച്ചതായും വക്കീല്‍ നോട്ടിസില്‍ യുവതി പരാമര്‍ശിക്കുന്നുണ്ട്.
