തലയോലപ്പറമ്പ് : വിദേശത്തുനിന്നും നാട്ടിലെത്തി ആരോഗ്യവകുപ്പ് അധികൃതരുടെ നിര്ദ്ദേശം പാലിക്കാതെ നാട്ടിലും സമീപ സ്ഥലങ്ങളിലും ചുറ്റിത്തിരിഞ്ഞ യുവാവിനെതിരെ തലയോലപ്പറന്പ് പോലീസ് കേസ് എടുത്തു. മറവന്തുരുത്ത് ഇടവട്ടം അന്പാടിയില് നന്ദകുമാറി(24)ന്റെ പേരിലാണ് കേസ് രജിസ്റ്റര് ചെയ്തത്.
മാര്ച്ച് 14-നാണ് ഇയാള് ദുബായിയില് നിന്നും നാട്ടിലെത്തിയത്. കരുതലിന്റെ ഭാഗമായി വീട്ടില് നിന്നും പുറത്തിറങ്ങി നടക്കരുതെന്ന് ആരോഗ്യവകുപ്പ് അധികൃതര് നിര്ദേശിച്ചു.
എന്നാല് ഇയാള് ഇത് വകവയ്ക്കാതെ എറണാകുളത്തിന് പോയതായി ലഭിച്ച വിവരത്തിന്റെ അടിസ്ഥാനത്തില് മറവന്തുരുത്ത് ഹെല്ത്ത് ഇന്സ്പെക്ടറുടെ നിര്ദേശത്തെ തുടര്ന്നാണ് കേസ് എടുത്തതെന്ന് തലയോലപ്പറന്പ് പോലീസ് അറിയിച്ചു.