കോവിഡ് : രാജ്യത്ത് ഇതു വരെ 1.3 ലക്ഷം സാമ്പിളുകള്‍ ​ ഐ സി എം ആര്‍ പരിശോധിച്ചു.

ദില്ലി : കോവിഡ്​ 19 ​പടരുന്ന സാഹചര്യത്തില്‍​ രാജ്യത്ത്​ ഇതുവരെ 1.3 ലക്ഷം സാമ്പിളുകള്‍ പരിശോധിച്ചതായി ഐ.സി.എം.ആര്‍. ഇതില്‍ 5,734 സാമ്പിളുകള്‍ പോസിറ്റീവായി. ബുധനാഴ്​ച 13,143 സാമ്പിളുകള്‍ പരിശോധിച്ചു. രാജ്യത്ത്​ ഇതുവരെ 5,734 കോവിഡ്​ കേസുകള്‍ റിപ്പോര്‍ട്ട്​ ചെയ്​തതായി ആരോഗ്യ മന്ത്രാലയം ​ജോയന്‍റ്​ സെക്രട്ടറി ലാവ്​ അഗര്‍വാള്‍ അറിയിച്ചു. രാജ്യത്ത്​ കോവിഡ്​ പോസിറ്റീവാകാനുളള സാധ്യത കഴിഞ്ഞ മാസത്തെ ഒന്ന്​ – 1.5 ല്‍ നിന്നും മൂന്നുമുതല്‍ അഞ്ചുവരെ ആയതായും ഐ.സി.എം.ആര്‍ അധികൃതര്‍ അറിയിച്ചു. അതേസമയം,കഴിഞ്ഞ 24 മണിക്കൂറിനുള്ളില്‍ 549 കേസുകള്‍ റിപ്പോര്‍ട്ട്​ ചെയ്​തു. 166 പേര്‍ ഇതുവരെ മരിച്ചതായും 17 മരണം ബുധനാഴ്​ച സ്​ഥിരീകരിച്ചതായും അദ്ദേഹം കൂട്ടിച്ചേര്‍ത്തു.