തൃശ്ശൂര്‍ : കൊവിഡ് 19 നിര്‍ദ്ദേശങ്ങള്‍ ലംഘിച്ച സംഭവത്തില്‍ നാലുപേര്‍ക്കെതിരെ പോലീസ് കേസെടുത്തു.
രോഗലക്ഷണങ്ങളോടെ വീട്ടില്‍ കഴിയുന്നതിനിടെ പുറത്തിറങ്ങിയതിനാണ് മണ്ണൂത്തി, പഴയന്നൂര്‍ സ്വദേശികള്‍ക്കെതിരെ കേസ് രജിസ്റ്റര്‍ ചെയ്തത് . ജില്ലാ കളക്ടറുടെ നിര്‍ദ്ദേശം ലംഘിച്ചതിനാണ് നടപടി .
രോഗ പ്രതിരോധ നിര്‍ദ്ദേശങ്ങള്‍ ലംഘിച്ച്‌ പള്ളിയില്‍ വിശ്വാസികളെ പങ്കെടുപ്പിച്ച്‌ ആരാധന നടത്തിയതിന് തൃശ്ശൂര്‍ ഒല്ലൂര്‍ സെന്റ് ആന്റണീസ് ഫൊറോന പള്ളി വികാരിക്കെതിരെയും കേസെടുത്തിട്ടുണ്ട് .ആരോഗ്യവകുപ്പിന്റെ നിര്‍ദ്ദേശം ലംഘിച്ച്‌ പുറത്തിറങ്ങിയ പാലോട് സ്വദേശിയായ പ്രവാസിക്കെതിരെയും കേസെടുത്തു .
ഈ മാസം 11ന് വിദേശത്തുനിന്ന് വന്ന ഇയാളോട് 25 വരെ വീട്ടില്‍ നിരീക്ഷണത്തില്‍ കഴിയണമെന്ന് ആരോഗ്യവകുപ്പ് നിര്‍ദ്ദേശിച്ചിരുന്നു.
ഇത് ലംഘിച്ച്‌ പുറത്തിറങ്ങി ജനങ്ങളുമായി സമ്പര്‍ക്കത്തിലേര്‍പ്പെട്ടതിനാണ് കേസ് രജിസ്റ്റര്‍ ചെയ്തത് .
