ലണ്ടന്‍: ബ്രിട്ടണില്‍ ഡോക്ടര്‍ അടക്കം രണ്ട് ഇന്ത്യക്കാര്‍ കോവിഡ് ബാധിച്ചു മരിച്ചു. സൗത്ത് ലണ്ടനിലെ ക്രൊയ്ഡനില്‍ പ്രാക്ടീസ് ചെയ്തിരുന്ന ഡോ. കൃഷ്ണ അറോറ(57)യാണ് വൈറസ് ബാധയേറ്റ് മരിച്ചത്.
കഴിഞ്ഞ 27 വര്‍ഷമായി പൊതുജനാരോഗ്യ വിദഗ്ധനായിരുന്ന അറോറ ഏപ്രില്‍ 15നാണ് മരണപ്പെട്ടത്. കേംബ്രിഡ്ജ് സര്‍വകലാശാലയില്‍ പഠനം പൂര്‍ത്തിയാക്കിയ അദ്ദേഹം, ക്രൊയ്ഡനിലെ വയലറ്റ് ലൈന്‍ മെഡിക്കല്‍ പ്രാക്ടീസില്‍ സേവനം നടത്തി വരികയായിരുന്നു.
ഈസ്റ്റ് ലണ്ടനിലെ ഇല്‍ഫോര്‍ഡില്‍ ജോലി ചെയ്തിരുന്ന റേഡിയോളജി സഹായിയും 63കാരനുമായ അംറിക് ബമോത്രയാണ് മരിച്ച മറ്റൊരാള്‍. ഇല്‍ഫോര്‍ഡിലെ കിങ് ജോര്‍ജ് ഹോസ്പിറ്റലിലും ഇയാൾ ജോലി ചെയ്തിരുന്നു
