കൊച്ചി : രാജ്യത്തെ ലോക്ക്ഡൗണില്‍ സംസ്ഥാനത്ത് കുടുങ്ങിയ ഓസ്ട്രേലിയന്‍ പൗരന്മാര്‍ ഞായറാഴ്ച നാട്ടിലേക്ക് തിരിക്കും. ഓസ്ട്രേലിയന്‍ സര്‍ക്കാര്‍ നടപടികളെടുത്തതോടെയാണ് 77 പേര്‍ ഉള്‍പ്പെടുന്ന സംഘത്തിന് മടങ്ങാന്‍ വഴിയൊരുങ്ങിയത്. സംസ്ഥാനത്തിന്‍റെ വിവിധ ഇടങ്ങളില്‍ കുടുങ്ങിയവര്‍ ഇന്ന് അര്‍ദ്ധരാത്രിയോടെ കൊച്ചിയിലെത്തും.
പലയിടത്തായുള്ളയുള്ള ഓസ്ട്രേലിയന്‍ സംഘങ്ങളോടൊപ്പം ചെന്നൈയില്‍ നിന്ന് പ്രത്യേക വിമാനത്തില്‍ ഞായറാഴ്ച ഇവര്‍ യാത്ര തിരിക്കും. ഞായറാഴ്ച പുലര്‍ച്ചെ റോഡ് മാര്‍ഗമാണ് ഇവരെ ചെന്നൈയിലെത്തിക്കുക. കേരളത്തില്‍ കുടുങ്ങിയ ബ്രിട്ടീഷ് പൗരന്മാരുടെ സംഘവും നേരത്തെ പ്രത്യേക വിമാനത്തില്‍ നാട്ടിലേക്ക് തിരിച്ചിരുന്നു.
