സര്ക്കാര് ജീവനക്കാര് ഒരു മാസത്തെ ശമ്പളം നിര്ബന്ധമായി നല്കണമെന്ന് മന്ത്രിസഭാ യോഗം തീരുമാനിച്ചു. മന്ത്രിമാര് ഒരു ലക്ഷം രൂപ വീതം നല്കണം. ജീവനക്കാരുടെ പ്രതികരണം നോക്കിയാവും ഉത്തരവിറക്കുക.
കോവിഡ് രോഗബാധയെ തുടര്ന്ന് ഉടലെടുത്ത സാമ്പത്തിക പ്രതിസന്ധിയില് നിന്ന് കരകയറാന് സര്ക്കാര് ജീവനക്കാര് ഒരു മാസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കണമെന്ന് മുഖ്യമന്ത്രി പിണറായി വിജയന് കഴിഞ്ഞ ദിവസം ആവശ്യപ്പെട്ടിരുന്നു. ഇതിന് പിന്നാലെയാണ് സാലറി ചലഞ്ചിന് മന്ത്രിസഭ അംഗീകാരം നല്കിയത്.
നേരത്തെ പ്രളയ ദുരിതാശ്വാസവുമായി ബന്ധപ്പെട്ട് സര്ക്കാര് നടത്തിയ സാലറി ചലഞ്ച് വിവാദമാകുകയും, കോടതിയില് ഹര്ജി നല്കുകയും ചെയ്തിരുന്നു.