കണ്ണൂര്‍: കണ്ണൂര്‍ ജില്ലയുടെ വിവിധ ഭാഗങ്ങളില്‍ ഹെലികോപ്‌റ്റര്‍ വഴി മീഥൈല്‍ വാക്സിന്‍ എന്ന വിഷപദാര്‍ഥം തളിക്കുമെന്ന രീതിയില്‍ സാമൂഹ്യമാധ്യമങ്ങളിലൂടെ വ്യാജ പ്രചാരണം നടത്തിയ സംഭവത്തില്‍ ഒരാള്‍ അറസ്റ്റില്‍ .
മുഴുപ്പിലങ്ങാട് ബീച്ച്‌ റോഡിലെ ഷാന ഷെരീഫ് (21) ആണ് എടക്കാട് പോലീസിന്റെ പിടിയിലായത് .ഹെലികോപ്‌റ്ററില്‍ മീഥൈല്‍ വാക്സിന്‍ തളിക്കുമ്പോള്‍ കോഴികളെയും പശുക്കളെയും സംരക്ഷിക്കണമെന്നും ഇവരുടെ ദേഹത്ത് വാക്സിന്‍ പതിച്ചാല്‍ ചത്തുപോകുമെന്ന രീതിയില്‍ ആരോഗ്യവകുപ്പ് നല്‍കുന്ന സന്ദേശമായിട്ടാണ് നവമാധ്യമങ്ങളില്‍ പ്രചരിച്ചത്. അതേസമയം ,സന്ദേശത്തിന്‍റെ ഉറവിടം ഇനിയും കണ്ടെത്താനായിട്ടില്ല .വ്യാജ ശബ്‌ദ സന്ദേശം തയാറാക്കിയവര്‍ക്കും പ്രചരിപ്പിച്ചവര്‍ക്കും എതിരേ അന്വേഷണം ശക്തമാക്കിയിട്ടുണ്ടെന്ന് പോലീസ് പറഞ്ഞു .
