റായ്പുർ: ഛത്തീസ്ഗഡിൽ നടന്ന ഏറ്റുമുട്ടലില് സുരക്ഷാസേന രണ്ടു മാവോയിസ്റ്റുകളെ വധിച്ചു. ദന്തേവാഡ ജില്ലയിലെ മുംഗ ഗ്രാമത്തിലെ വനത്തിലായിരുന്നു ഏറ്റുമുട്ടൽ.
രഹസ്യ വിവരത്തെ തുടർന്ന് സുരക്ഷാസേന നടത്തിയ പരിശോധനക്കിടയിലാണ് ഏറ്റുമുട്ടലുണ്ടായത്. കൊല്ലപ്പെട്ട മാവോയിസ്റ്റുകളില് നിന്ന് ഏതാനും ആയുധങ്ങളും വെടിക്കോപ്പുകളും കണ്ടെടുത്തതായും പോലീസ് വൃത്തങ്ങൾ അറിയിച്ചു.