ദില്ലി: സോഷ്യൽ മീഡിയ വഴി തനിക്ക് വധഭീഷണി നേരിടുന്നുണ്ടെന്ന് നടി കങ്കണ റണാവത്ത്. കർഷക നിയമങ്ങൾക്കെതിരെ പ്രതിഷേധിച്ചവരെ വിമർശിച്ചതിനാണ് വധ ഭീഷണി നേരിടുന്നതെന്നാണ് താരത്തിന്റെ വെളിപ്പെടുത്തൽ.
എഫ്‌ഐആറിന്‍റെ പകർപ്പടക്കം സുവർണക്ഷേത്രത്തിന് മുമ്പിൽ നിൽക്കുന്ന ചിത്രം പങ്കിട്ടുകൊണ്ടാണ് ഇൻസ്റ്റാഗ്രാമിൽ പങ്കുവെച്ചാണ് നടി ഇക്കാര്യം അറിയിച്ചത്.
വധഭീഷണി മുഴക്കിയവർക്കെതിരെ കങ്കണ പോലീസിൽ പരാതി നൽകി. ഹിമാചൽ പോലീസിനാണ് താരം പരാതി നൽകിയത്.
View this post on Instagram
മാത്രമല്ല പഞ്ചാബ് സർക്കാരും സംഭവത്തിൽ ഇടപെടണമെന്ന് താരം ആവശ്യപ്പെട്ടു.പരാതിയിൽ നടപെടിയെടുക്കാൻ പഞ്ചാബ് സർക്കാരിനോട് നിർദ്ദേശിക്കണമെന്ന് കങ്കണ കോൺഗ്രസ് ഇടക്കാല അദ്ധ്യക്ഷ സോണിയ ഗാന്ധിയോട് അഭ്യർത്ഥിച്ചു.
“മുംബൈ ഭീകരാക്രമണത്തിലെ രക്തസാക്ഷികളെ അനുസ്മരിച്ചുകൊണ്ട്, രാജ്യദ്രോഹികളോട് ഒരിക്കലും ക്ഷമിക്കുകയോ മറക്കുകയോ ചെയ്യരുത് എന്നാണ് ഞാൻ എഴുതിയത്. ഇത്തരത്തിലുള്ള സംഭവങ്ങളിൽ രാജ്യത്തിനുള്ളിലെ വഞ്ചകര്‍ക്ക് പങ്കുണ്ട്. പണത്തിനും ചിലപ്പോൾ സ്ഥാനത്തിനും അധികാരത്തിനും വേണ്ടി രാജ്യദ്രോഹികൾ ഭാരതാംബയെ അപകീര്‍ത്തിപ്പെടുത്തുന്നു. അവര്‍ ദേശവിരുദ്ധ ശക്തികളെ ഗൂഢാലോചനകളില്‍ സഹായിക്കുന്നു.” ഇങ്ങനെയാണ് കങ്കണ ഇൻസ്റ്റാഗ്രാമിൽ കുറിച്ചത്.
